Tahiri i AAK-së: Është e pafalshme t’i ndalen pagat mësimdhënësve në prag të dimrit

Aktuale

Tahiri i AAK-së: Është e pafalshme t’i ndalen pagat mësimdhënësve në prag të dimrit

Më: 5 tetor 2022 Në ora: 17:18
Besnik Tahiri

Deputeti i AAK-së, Besnik Tahiri e ka quajtur “skandaloz” vendimin e Qeverisë për mosekzekutimin e pagave për mësimdhënësit që ishin në grevë për 5 javë më radhë.

Ai tha se me këtë vendim “Qeveria e ka shkelur dinjitetin e mësimdhënësve”.

“Në prag të dimrit t’i ndalen pagat mësimdhënësve vetëm se kanë kërkuar një të drejtë minimale, është e pafalshme!”, ka shkruar Tahiri.

Postimi i plotë:

E padurueshme! Skandaloze!

Me ndalimin e pagave të shtatorit, Qeveria ka shkelur dinjitetin e mësimdhënësve. Poashtu, ndalimi i pagave është cenim i drejtëpërdrejtë i mirëqenies dhe ekonomive të familjeve të mijëra mësimdhënësve.

Të premten e kemi ftuar për interpelancë ministrin Murati, por vazhdimi i kësaj gjendje edhe për një orë, është vazhdim i turpit nga kjo Qeveri!

Në prag të dimrit t’i ndalen pagat mësimdhënësve vetëm se kanë kërkuar një të drejtë minimale, është e pafalshme!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat