Rasti “Brezovica”, arrestohet edhe biznesmeni Bajram Gashani

Aktuale

Rasti “Brezovica”, arrestohet edhe biznesmeni Bajram Gashani

Më: 6 tetor 2022 Në ora: 00:43
Foto ilustrim

Në lidhje me hetimet për rastin “Brezovica”, Policia e Kosovës të mërkurën rreth orës 15:00 ka arrestuar Bajram Gashanin, pronar i një biznesi të madh.

Lajmin për ndalimin e Gashanit e ka konfirmuar Rasim Maloku, prokurori i rastit “Brezovica”.

I kontaktuar nga kallxo, prokurori Maloku vetëm e ka konfirmuar arrestimin e biznesmenit.

Dosja “Brezovica” deri më tani ka dërguar prapa grilave mbi 30 persona, përfshirë zyrtarë të lartë shtetërorë, përgjegjës për ndërtimin e mbi 500 vilave dhe hoteleve në zonën e mbrojtur të maleve të Sharrit.

Dosja ngre dyshime për një aferë ku besohet të jenë kërkuar mbi 20 milionë euro ryshfet nga zyrtarë e kompani të ndryshme të ndërtimit.

Deri më tani Prokuroria ka bllokuar prona në vlerë mbi 5 milionë euro, të cilat po mbahen të sekuestruara për llogari të këtij hetimi.

Gjatë këtij operacioni janë arrestuar 7 të dyshuar, janë sekuestruar prova të ndryshme, përfshirë armë dhe vetura.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat