Pozhari: Ramën dhe Vuçiqin i ka vëllazëruar krimi dhe beteja kundër Kurtit

Aktuale

Pozhari: Ramën dhe Vuçiqin i ka vëllazëruar krimi dhe beteja kundër Kurtit

Më: 6 tetor 2022 Në ora: 18:33
Xhevdet Pozhari

Gazetari Xhevdet Pozhari ka thënë se kryeministrin e Shqipërisë Edi Ramën dhe presidentin e Serbisë Aleksandër Vuçiqin i ka vëllazëruar krimi dhe beteja kundër kryeministrit të Kosovës Albin Kurtit.

Pozhari tha se krahas krimit, Ramën dhe Vuçiqin i ka bërë bashkë kundërshtia me kryeministrin e Kosovës Albin Kurtin.

“Nëse ka disa që pyesin se si shkohet aq larg që të ndjehen si të vëllazëruar Rama dhe Vuçiqi për mendimin tim këta i ka vëllazëruar krimi dhe krejt ajo që i bënë bashkë është beteja kundër Albin Kurtit”, tha Pozhari.

Pozhari tha se Rama e ka arsyetuar Serbinë sa i përket raporteve me Rusinë.

“Rama jo vetëm që e ka shfaqur Kosovën si bllokuese por e ka shkuar deri aq larg sa ka arsyetuar Serbinë se pse nuk mund t’i shkëpus marrëdhëniet me Serbinë. Çfarë zori mund të ketë një kryeministër i një shteti shqiptarë të vihet në mbrojtje të një njeriu i cili i ka duart e përgjakura”.

Tutje, gazetari tha se fryma kundër krimit e Kurtit e ka penguar Ramën dhe Vuçiqin.

“Ajo që e bashkon Ramën dhe Vuçiqin është kryeministri Albin Kurti për shkak sepse të dy e duan rrëzimin e Albin Kurtit sepse ai simbolizon frymën kundër krimit. Pra është antagonist aktualisht i çdo gjëje që sot mund të jenë Rama dhe Vuçiqi”

Krahas kësaj, Pozhari tha se Rama është duke e faktorizuar Kosovën në arenën ndërkombëtare dhe duke e paraqitur si bllokuese e bashkëpunimeve rajonale duke përfshirë edhe Ballkanin e Hapur.

Sipas Pozharit, Kosova nuk mund të përfshihej në Ballkanin e Hapur për shkak se problemi i saj me Serbinë nuk ishte ekonomik por është politik e që për Ramën nuk ishte argument i mjaftueshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat