Presidenti i Serbisë i kalon pas, Vjosa Osmani: Duhet hedhur poshtë mendësia e Vuçiç që sjell luftë

Aktuale

Presidenti i Serbisë i kalon pas, Vjosa Osmani: Duhet hedhur poshtë mendësia e Vuçiç që sjell luftë

Më: 6 dhjetor 2022 Në ora: 10:50
Foto nga vendi i ngjarjes

Presidentja e Kosovës Vjosa Osmani mbërriti ndër të parët në samitin BE-Ballkani Perëndimor që mbahet sot në Tiranë. Në një deklaratë për mediat, Osmani është shprehur se Presidenti i Kosovës, Vuçiç është një produkt i një mendësie të vjetër që çoi në vrasjen e 150 mijë civilëve.

Si për ironi të fatit, teksa Osmani akuzonte presidentin e Serbisë, ai mbërriti në samit dhe kaloi shumë ngjitur me Vjosa Osmanin.

Gjatë fjalës së saj, Osmani theksoi se “Kosova po tregon të kundërtën e asaj që po tregon Vuçiç, po shtrin dorën e bashkëpunimit dhe pse ata nuk kanë kërkuar falje për krimet që kanë kryer” dhe beson që dialogu është e vetmja mënyrë për të ecur përpara.

Vjosa Osmani: Për fat të keq, Vuçiç është produkt i një vazhdimësie e një mendësie që ka ekzistuar në vitet 90-të në Serbi dhe është kjo mendësi që çoi në luftën e shkatërrimin dhe në vrasjen e 150 mijë civilëve, një mendësi që duhet hedhur poshtë nga të gjithë. Le të presim që siguria të kryejë punën e saj dhe ajo çfarë po tregon Kosova këto ditë, është e kundërta e asaj që tregon Vuçiç, po shtrijmë dorën e bashkëpunimit  edhe pse ata kurrë nuk kanë kërkuar falje për krimet që kanë kryer dhe besojmë që dialgou që udhëhiqet nga BE dhe mbështetet nga SHBA është e vetmja mënyrë për të ecur përpara e përqendruar tek njohja e ndërsjelltë.

Gjatë fjalës së saj, Osmani ka theksuar se BE-ja duhet të kthejë fjalët në vepra kur bëhet fjalë për liberalizimin e vizave për Kosovën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat