Sulmohen me armë zjarri tre persona në Leposaviq

Aktuale

Sulmohen me armë zjarri tre persona në Leposaviq

Më: 9 dhjetor 2022 Në ora: 10:22
Policia e Kosovës

Policia e Kosovës ka bërë të ditur se një punëtor i një kompanie të sigurimit ka pësuar lëndime pasi ai bashkë me dy kolegë të tij janë sulmuar me armë zjarri nga persona të panjohur.

Sulmi sipas Policisë, ka ndodhur derisa viktimat ishin në vendin e tyre të punës.

Njëri nga ta ka pësuar edhe lëndime trupore dhe ka marrë trajtim mjekësor.

“Viktima mashkull kosovar punëtor i kompanisë së sigurimit, ka pësuar lëndime pasi që i njëjti së bashku edhe me dy punëtor të kompanisë, nga të dyshuar deri më tani të pa njohur janë sulmuar me armë zjarri derisa ishin në vendin e tyre të punës. Viktimës për shkak të lëndimeve, i është ofruar tretman mjekësor në spitalin rajonal. Të dyshuarit janë larguar në drejtim të panjohur, ndërsa njësitet policore janë duke ndërmarr veprimet e nevojshme hetimore”, thuhet në njoftimin e Policisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat