Kryeziu e VV-së: Termin Asociacion nuk e shohim në Dokumentet e BE, do të ketë vetëmenaxhim

Aktuale

Kryeziu e VV-së: Termin Asociacion nuk e shohim në Dokumentet e BE, do të ketë vetëmenaxhim

Më: 20 mars 2023 Në ora: 18:45
Deputetja nga  Lëvizja Vetëvendosje, Arbëreshë Kryeziu

Deputetja nga  Lëvizja Vetëvendosje, Arbëreshë Kryeziu, ka thënë se termi Asociacion nuk shihet në dokumentet e Bashkimit Evropian.

Kryeziu ka theksuar se ky vetëmenaxhim do të mund të kontrollohet nga organet shtetërore por që ende nuk dihet se cili do të jetë lloji i vetëmenaxhimit që do të përdoret.

“Nuk është puna që kemi lojë fjalësh, sepse e kemi parë që situata ka lëvizur dukshëm. Sot jemi në një situatë ku nuk përmendet fare Asociacioni. Termin Asociacion nuk e shohim në Dokumentet e Bashkimit Evropian. Është dakorduar që të ketë vetëmenaxhim për komunitetin serb, megjithatë nuk duhet harruar një gjë të rëndësishme që përgjatë këtyre 10 viteve gjërat nuk kanë ngecur, nuk janë stopuar, ka pasur zhvillime ku në mesin e tyre dhe të atillat që i kemi kundërshtuar në vazhdimësi dhe jemi sot duke u munduar që ta minimizojmë dëmin që është shkaktuar brenda 10 vjetësh duke u mundur që të nxjerrim diçka që dëmin e ka shumë të vogël në krahasim me atë që do të mund t’i ndodhte vendit tonë po të shkonim në implementim të marrëveshjeve të atilla që kanë qenë të planifikuara”, ka thënë ajo.

Kur pyetet se si do të garantojë Qeveria e Kosovës që ky mekanizëm që do ta ketë emrin ndryshe nuk do të jetë më problematik, më i dëmshëm ose po aq i dëmshëm sa ajo çfarë është kundërshtuar për vite të tëra siç ka qenë Asociacioni ose Zajednica, Kryeziu ka thënë se “sikur të ishte bërë fjalë për të njëjtën gjë dhe sikur nuk do kishim nevojë që t’ua garantonim qytetarëve që nuk po i bëjmë veprimet e njëjta, Kurti do ta kishte nënshkruar tashmë moti kohë këtë çështje, implementimi do të kishte ndodhur tashmë në Kosovë dhe do të ishte harruar”.

“Fakti që ka pasur krejtësisht qasje të re të Qeveris edhe fakti që është insistuar që të mos shkojnë përpara vetëm kërkesat serbe përpara, janë në mesin e shumë argumenteve që ne garantojmë që po përpiqemi që të minimizojmë dëmin që është shkaktuar”, shtoi ajo.

“Nuk do të ketë një lloj mekanizmi që e ka vetëm një emër ndryshe dhe ka kompetenca të njëjta sikurse do të kishte asociacioni, të jeni të bindur që po flasim për diçka krejtësisht ndryshe ku edhe kompetencat do të ndryshojnë dhe mënyra se si do të veprojë ky mekanizëm i ri që pritet të  krijohet do të jetë krejtësisht i ndryshëm”.

“Në aneksin e BE-së nuk ka afate ligjore”.

Sipas saj, e rëndësishme është që në këtë çështje janë fuqitë e mëdha ndërkombëtare që garantojnë se do të mbikëqyrin shtetet në zbatimin e asaj për çfarë dakordohen.

“E kemi kritikuar BE-në në kohën kur palët nuk janë trajtuar barabartë, drejtë kur ka pasur avantazhe për Serbinë e kur nuk është trajtuar me avantazh Kosova”.

Çka tjetër e siguron njohjen De facto?

Fakti që Serbia nuk do ta pengojë Kosovën në anëtarësim në organizata ndërkombëtare, fakti që kërkohet nga Serbia që t’i heqë të gjitha pretendimet territoriale që i ka mbi Kosovën, fakti që shtetet nuk mund ta prezantojnë njëra tjetrën si shtete të tjera por si Kosovë ose Serbi, janë disa prej elementeve që i bën me dije Serbisë që është koha të hiqet dorë nga këto pretendime që i kanë pasur ndaj Kosovës dhe në momentin kur dakordohesh për një marrëveshje si të tillë i bie që po shkon drejt njohjes, ka thënë deputetja Kryeziu.

commentFirst article
Sot mund të lexoni Shfletoni kopertinat