Zëdhënësi i PDK-së, Faton Abdullahu, ka pyetur se çdo të thotë normalizimi i marrëdhënieve me Serbinë, pa njohje.
Abdullahu ka shpjeguar çka ndodhë kur normalizohen raportet pa fituar Kosova njohjen prej Serbisë.
“A mund t’i besohet tash e tutje mendësisë qeveritare të Qeverisë Kurti se ajo do t’i ndal këto mundësi të reja të cilat ajo me politika të gabuara e miope i hapi për Serbinë? Jo kurrë”, ka shkruar ndër të tjera ai.
Shkrimi i plotë:
Normalizimi i raporteve me Serbinë pa njohje, a do të thotë……
Se ‘status quo’-ja në veri do të forcohet me ‘izën politike’ të Qeverisë Kurti.
Se Serbia trimërohet se mund të integrohet në Evropa pa e njohur Kosovën.
Se Serbët Vetmenaxhojnë në veri pa pas nevojë ta pranojnë Kosovën shtet.
Se Serbia do të merr para dhe lavdata nga perëndimorët pa e njohur Kosovën.
Se nesër Vetmenaxhimi mund të bëhet hyrje për federalizim të Kosovës.
Se Serbia do të jetë më pak me Rusinë e ne më pak me amerikanët.
Se rrezikohet paqja në rajon kur ti teket Vuçiqit me prish punë në veri.
Se Serbia tinza ose me ndihën e Rusisë punon kundër njohjeve të reja.
Se kërkesa e jonë për njohje të Kosovës gjithmonë prish ‘normalitetin’
A mund t’i besohet tash e tutje mendësisë qeveritare të Qeverisë Kurti se ajo do t’i ndal këto mundësi të reja të cilat ajo me politika të gabuara e miope i hapi për Serbinë? Jo kurrë