Kryesia e Lidhjes së Historianeve të Kosovës “Ali Hadri” dega në Deçan, përshëndet dhe përkrah pa rezerva qëndrimin e Qeverisë së Republikës së Kosovës, dhe të kryeministrit z.Albin Kurti, sa i takon shtrirjes se autoritetit të institucioneve të Republikës sonë në veri të vendit.
Betimi i djeshëm i kryetarëve të komunave në Leposaviq, Zveçan dhe Zubin Potok, dhe ditë me parë i atij në Mitrovicën e veriut, dhe nisja e punës se tyre në zyrat në komuna dhe vendosja e flamurit të Kosovës në objektet shtetëror në veri të vendit, është hap i madh karshi funksionimit legal të institucioneve legjitime të Republikës së Kosovës në veri të vendit tonë.
Tentimi i sotshëm për destabilizim në veri të vendit nga organizata terroriste “Lista serbe”, është i papranueshëm. Qytetarët serb në veri të Kosovës, nuk duhet të bien pre e grupeve të caktuara kriminale tw diregjuar nga Vuçiqi.
Grupi kriminal “Lista serbe”, i përkrahur edhe nga ministri i Millosheviqit, presidenti aktual serb Vuçiq, sa me parë duhet të shpallët organizate terroriste, ngase ajo është destabilizuesja me e madhe e situatës në veri të vendit.
Qëndrimi i krerëve të shtetit tonë sa i përket situatës dhe zhvillimeve në veri është për të u përshëndetur.
Kryesia e Lidhjes se Historianëve të Kosovës “Ali Hadri” dega në Deçan, fton qytetarët e Republikës sonë në veri të vendit, për maturi dhe besim në institucionet e vendit tonë.
Vetëm të bashkuar ecim përpara.
