Ish-presidenti i Kosovës, Hashim Thaçi ndodhet në Kosovë.
Gazeta mëson se arsyeja e ardhjes së Thaçit në Kosovë është për të vizituar nënën e tij.
Ai aty gjendet nga ora 12:30.
Bëhet e ditur se Thaçit i është lejuar t’i takojë vetëm prindërit e tij dhe askënd tjetër prej anëtarëve të tjerë të familjes.
Nëna e ish-presidentit Hashim Thaçi, ishte liruar ditë më parë nga QKUK-ja, ku ishte trajtuar pesë ditë radhazi.
Ajo, tani është duke u trajtuar nga mjekët në kushte shtëpiake.
Hashim Thaçi pritet që gjatë ditës të kthehet në Hagë./Klan Kosova