Kryeministri Albin Kurti e ka komentuar anëtarësimin e Kosovën në Komisionin Ndërkombëtar për Personat e Zhdukur, me seli në Hagë.
Kurti ka shkruar se anëtarësimi do t’i ndihmojë Kosovës për të siguruar drejtësi më të madhe për të zhdukurit.
“Sot iu bashkuam Komisionit Ndërkombëtar për Personat e Zhdukur (@TheICMP), me seli në Hagë.
Anëtarësimi ynë do të na ndihmojë të sigurojmë drejtësi më të madhe për mijëra kosovarë të zhdukur me forcë gjatë gjenocidit të kryer nga Serbia dhe për familjet e tyre”, ka shkruar Kurti.