Emisari gjerman jep detaje për takimet, u takua me Osmanin, Kurtin e Abdixhikun

Aktuale

Emisari gjerman jep detaje për takimet, u takua me Osmanin, Kurtin e Abdixhikun

Më: 25 shtator 2023 Në ora: 20:15
Emisari gjerman për Ballkanin Perëndimor, Manuel Sarrazi

Emisari gjerman për Ballkanin Perëndimor, Manuel Sarrazin, ka takuar të hënën liderët e shtetit të Kosovës.

Përveç presidentes, Vjosa Osmani dhe kryeministrit, Albin Kurti, Sarrazin nga partitë opozitare ka takuar edhe kryetarin e LDK-së, Lumir Abdixhiku.

Për takimin me Abdixhikun, Sarrazin ka njoftuar në rrjetet sociale.

“Në Kosovë sot për të shprehur solidaritet’’, ka deklaruar ai.

Pas takimit me emisarin gjerman, kreu i LDK-së, Abdixhiku tha se e ka falënderuar Sarrazin për mbështetjen e Gjermanisë gjatë ditës së djeshme.

“Shpreha domosdoshmërinë e dënimit ndërkombëtar ndaj gjuhës urrejtëse e luftënxitëse të Vuçiq kundrejt institucioneve dhe popullit të Kosovës. Serbia duhet të mbahet përgjegjëse për sponzorizimin dhe strehimin e terroristëve”, ka shkruar Abdixhiku.

Vizita e emisarit gjerman erdhi si urgjencë pas sulmit të djeshëm ndaj Policisë së Kosovës në fshatin Banjskë të Zveçanit, në veri të Kosovës.

comment Për komente lëvizni më poshtë
Sot mund të lexoni Shfletoni kopertinat