Raportuesja për Kosovën në Parlamentin Evropian, Viola von Cramon, ka kërkuar nga Gjermania të vendosë më shumë trupa në Kosovë.
Përmes rrjetit social “X”, ka thënë se Gjermania duhet të prijë me dërgimin e trupave shtesë.
“Gjermania duhet të vendosë më shumë trupa për të siguruar paqen dhe për të mbrojtur të gjithë në Kosovë, ku KFOR-i i udhëhequr nga NATO-ja mbetet jetik”, ka shkruar Von Cramon në platformën “X”.
Ndërsa vendimin e Britanisë së Madhe për të vendosur 200 trupa në Kosovë, Von Cramon e cilësoi si të rëndësishëm.
“Vendim i rëndësishëm është ai i Britanisë së Madhe për të vendosur 200 trupa ushtarakë për të përforcuar NATO-n dhe KFOR-in në terren”, ka shkruar eurodeputetja Von Cramon.
