Dëshmitari Hoxha thotë se më 1 dhe 2 qershor 1999, kanë varrosur katër dëshmorë

Këtë deklarim, ai e bëri duke u përgjigjur në pyetjet e avokatit Jean-Louis Gilissen, i kërkoi nga dëshmitari që përmes videove që i janë prezantuar, të identifikojë persona apo edhe objekte të ndryshme, raporton “Betimi për Drejtësi”.

I pyetir se sa varre sheh në një video të prezantuar, dëshmitari Hoxha tha se janë katër varre të reja.

“Janë katër varre të reja. Më 1 qershor janë varrosur tre dëshmorë, me dy qershor është varrosur edhe një dëshmor. Katër dëshmor brenda dy ditëve i kemi varrosur, dy ditë më vonë është edhe një varr, është edhe një varrim tjetër”, tha dëshmitari Hoxha.

Ndryshe, marrja në pyetje e këtij dëshmitari nga avokati Gilissen do të vazhdojë edhe nesër, për të pasuar me pyetjet e Prokurorisë dhe palëve tjera në çështjen gjyqësore ndaj Pjetër Shalës.

Gjatë dëshmisë së tij, dëshmitarit Zijadin Hoxha iu është kërkuar që të shpjegoj disa video të cilat thuhet se janë xhiruar në vitin 1999.

Për njërën nga videot e prezantuar, dëshmitari tha se në pamje shihet një kamion i cili kishte tërhequr të plagosurit dhe të vrarët nga Goruzhupi për në Kukës.

“Po unë e kam incizu. Saktësisht nuk jam i sigurt por me duket ka qenë data 30 apo 31 maj. 31 me duket por nuk jam i sigurt por 31 maj. Këto janë fakte që kurrë përjetë nuk harrohen. Ky është kamioni që i kanë tërheqë të plagosurit dhe të vrarit nga Gorozhupi në Kukës. Te spitali i Kukësit janë lënë të plagosurit dhe të vdekurit dhe kamionin e kan  parku tek uzina. Është viti 1999. Ishte i parkun në oborrin e Uzinës në Kazermën e logjistikës përndryshe. Po faktikisht është në oborrin e Kazermës. Para ndërtesës së Shtabit, aty është e parkume”, tha dëshmitari.

Dëshmitari tha se në një video tjetër janë policia ushtarake në ushtrime për ceremoninë mortore të tre dëshmorëve të rënë në Gorozhup.

“Ka qenë me datë 31 maj janë policia ushtarake se me 31 kanë ra dëshmorët e parë kanë ra në Gorozhup dhe ka qenë i caktum varrimi me 1 qershor. Atëherë policia ushtarake ka qenë pa përvoje… nuk kemi pas përvojë me armë dhe e kemi marrë policinë ushtarake i kemi vendos tek Drini i Bardhë për me ushtru për ceremoni mortore të tre dëshmorëve të parë që kanë ra në Gorozhup. Ka qenë tek Drini i Bardhë dy kilometra prej uzine në drejtim të Krumës”, tha Hoxha.

Në të njëjtat pamje sipas mbrojtjes së Pjetër Shalës, avokatit Jean-Louis Gilissen shiheshin dy persona duke dhënë urdhra për të cilët dëshmitari tha se janë Shefki Abdullahu dhe Fadil Hoxha.

“Me duket ka qenë, Shefki Abdullahu dhe  Fadil Hoxha, ata dy kanë qenë”, tha dëshmitari Hoxha.

Në një video tjetër, dëshmitari tha se është e xhiruar me 1 qershor 1999 dhe se është murgu i spitalit të Kukësit ku dhe është bërë tërheqja e kufomave të tre dëshmorëve.

“Po unë e kam incizu. Me 1 qershor, faktikisht është murgu i Spitalit të Kukësit kur i kemi terhek kufomat e tre dëshmorëve të kombit. Faktikisht janë tri arkivole, tre dëshmorë të kombit tonë”, tha dëshmitari.

Dëshmitari Hoxha tha se ushtarët e vrarë kanë qenë në njësinë e Ruzhdi Saramatit.

“Ushtarë të njësitit të Ruzhdi Saramatit. S’po me kujtohet se çfarë emri ka pas. Vetëm e di që e ka udhëheqë, qat brigadë e ka udhëheq Ruzhdi Saramati”, tha dëshmitari Hoxha.

Në një pamje tjetër dëshmitari tha se është rrugëtimi prej spitalit të Kukësit deri tek varrezat ku do të varrosej dëshmori Selver Maçkaj. Hoxha tha se përballë kufomës ishte babai i të ndjerit.

“Në ballë të kufomës tij është baba i tij, Bajrma Mackaj që pesë ditë përpara ia kanë kallë çikën e tij në Prizren, forcat serbe, të gjallë, mbas 5 dite ia kanë vra edhe djalin”, tha dëshmitari.

Dëshmitari Hoxha tha se për pamjen që iu prezantua me radhë ishte rruga nga Kukësi për në Krumë për tek varrezat.

“Pikërisht prej Kukësit për Krumë që shkon tek varrezat. Qajo rruga kryesore është. Qaty diku të uzina është”, tha dëshmitari Hoxha duke treguar se nuk e dinë se kush ishin ushtarët në rreshtë që shiheshin në pamje.

Pas kësaj, Hoxha tha se në një pamje shiheshin familja e Selver Maçkës pas varrimit të familjarit të tyre.

“Kjo pjesë është incizu në kuzhinën brenda në uzinë mbas varrimit. Është familja e Selver Maçkës, është baba i Selverit tash i ndjerë, nana e Selverit, dy djemtë e Selverit, vajza edhe gruja”, tha dëshmitari Hoxha.

Tutje, dëshmitarit iu është prezantuar edhe një video nga fjalimi që është mbajtur me rastin e varrosjes së tre dëshmorëve; Ilir Ukamakaj, Selver Mackaj dhe Shpend Berishës.

Dëshmitari Zijadin Hoxha ka thënë se në kohën e luftës nuk i ka njohur, tani deputeten e Aleancës për Ardhmërinë e Kosovës (AAK), Time Kadrijajn dhe ish-deputeten e Partisë Demokratike të Kosovës (PDK), Safete Hadergjonaj.

“Jo nuk e njoh. Tani e njoh por në luftë nuk e kam njoftë”, tha Hoxha duke u përgjigjur në pyetjen e mbrojtjes së Pjetër Shalës, përmes avokatit Jean-Louis Gilissen, për Time Kadrijajn.

Ndërsa, për Safete Hadergjonajn, dëshmitari Hoxha tha se tani e njeh pasi që është fytyrë publike.

“Sot e njoh, gjatë luftës nuk e kam njoftë. Është fytyrë publike faktikisht”, tha dëshmitari Hoxha.

I pyetur për një person me mërin Ilir Blakaj, dëshmitari tha se nuk e njeh.

Veç tjerash, avokati Gilissen pyeti dëshmitarin se a ka pasur ndonjë zyrtar apo komandant nga Shqipëria që ka qëndruar në uzinën e metalit në Kukës.

“Me duket ka qenë një, por emrin nuk e di”, tha dëshmitari Hoxha duke u përgjigjur në pyetjet e mbrojtjes së Pjetër Shalës.

Ndërsa, për një person me emrin Spiro Butka, dëshmitari tha se nuk e njeh personalisht.

Tutje, dëshmitari tha se ai vetë ka punuar në brendësi të depos në uzinën e metalit në Kukës, konkretisht në riparim.

Dëshmitari Zijadin Hoxha është pyetur për uzinën e metalit në Kukës nga mbrojtja e Pjetër Shalës, avokatit, Jean-Louis Gilissen.

I pyetur se a është në gjendje që të përshkruaj uzinën e metalit në Kukës, dëshmitari tha se mund ta bëjë afërsisht, raporton “Betimi për Drejtësi”.

“Munet me ndodh qe qind për qind nuk mundem me ua përshkru, por afërsisht po”, tha dëshmitari Hoxha.

Pas kësaj, dëshmitarit Hoxha iu prezantuan disa fotografi të uzinës së metalit në Kukës që sipas avokatit Gilissen, ato i përkasin vitit 2019.

“Sa po e njeh unë këtë vend është hyrja në uzinë”, tha dëshmitari që me kërkesën e mbrojtjes shënjoi objektet që ju prezantuan.

Në njërin prej objekteve të prezantuara dëshmitari Hoxha tha se i ngjasonte me shtabin që ndodhej aty.

“Dyrtë e hymjes po me duket ndërtesa në anën e majtë ku ka qenë shtabi”, tha Hoxha.

Ndërsa për një fotografi tjetër, dëshmitari tha se ka qenë Shtabi i Logjistikës.

“Ndërtesa e madhe që është me dy kate që ka disa kate. Kjo këtu ka qenë shtabi i logjistikës. Komanda e logjistikës në përgjithësi”, tha Hoxha duke pohuar se është ndërtesa e njëjtë që e shënjoi me numrin ‘1’.

Dëshmitari Hoxha tha se në katin e parë të kësaj ndërtese kanë punuar në logjistikë ndërsa në katin e dytë kanë qendru komandantët.

“Në katin e parë kanë nejt shumica kanë nejt që kanë punu në logjistikë, ushtarët. Në katin e dytë kanë nejtë…Komandant Marku e komandantat e tjerë”, tha Hoxha.

Zijadin Hoxha tha se ai nuk ka pasur fare zyrë aty, por që ka shkaur të flejë herë pas here në njërën nga zyrat.

“Unë nuk kam pas zyre fare aty, ka qenë vetëm një zyre ku kam flejt kohë pas kohe me do kolegë të tjerë, faktikisht unë zyre nuk kam pas aty.Shumë shpesh kam flejt atu, këtu ka qenë zyrja e një komandanti tjetër faktikisht. Aty kanë qenë tre shtretër dhe një tavolinë, aty kemi flejtë me disa kolegë të tjerë”, tha Hoxha.

Ndërsa gjatë kohës që ka fjetur në uzinën e Kukësit, dëshmitari Hoxha tha se natën nuk ka dëgjuar zhurma nga dhomat e tjera.

I pyetur se a ka ndodhur që të ketë dëgjuar ndonjë zhurmë të veçantëar natën, dëshmitari tha se as nga jashtë nuk ka ndodhur një gjë e tillë.

“Ndonjë zhurmë diçka të posaçme nuk ka ndodhë. Gjatë ditës ka pas qarkullim të njerëzve pa ndërpre, pa ndërpre është punu, kanë ardh materiale kanë shku materiale në vijat e frontit. Aty ka qenë qarkullimi pa ndërpre, por në mbrëmje ka qenë qetë se natën nuk kanë pas qarkullime”, tha Hoxha.

Ndërsa, në një dhomë mjekësore, Hoxha tha se kanë qëndruar dy tri vajza dhe se ka qenë në katin përdhese të ndërtesës.

“Ku kanë nejtë dy vajza apo tri, nuk e di sa kanë qenë. Në katën perdhesë faktikisht aty tek hymja në anën e djathë, afër hymjes ka qenë”, tha Hoxha.

I pyetur nga kryetarja e trupit gjykues Mappie Veldt-Foglia, për një ndërtesë ngjyrë hiri, dëshmitari tha se ka qenë një katëshe.

“Vetëm që ka qenë lartësia më e madhe, se 1 kateshe ka qenë. Sa e di unë, mos gabofsha 1-katshe ka qenë”, tha dëshmitari Hoxha.

Dëshmitari Hoxha tha se personat që kanë hy në uzinën e Metalit në Kukës nuk kanë pasur të drejtë të mbajnë armë të gjata.

“Faktikisht armë të brezit, armë të vogla kanë pas të drejtë të gjithë me mbajt, ai që ka pas. Për armë të gjata faktikisht nuk ka pas të drejtë askush me mbajtë brenda uzinës. Përveç, rojës që ka qenë aty brenda po, për ndryshe nuk kemi pas të drejtë me mbajtë armë të gjata”, tha Shala.

Gjatë dëshmisë së tij, të hënën në Dhomat e Specializuara të Kosovës (DhSK) në Hagë, dëshmitari Zijadin Hoxha ka thënë se me Jakup Krasniqin kanë qenë në burg bashkë si të burgosur politik në ish-Jugosllavi, por mohoi ta ketë parë në uzinë më 1999.

Duke u përgjigjur në pyetjet e avokatit të Pjetër Shalës, Jean-Louis Gilissen, dëshmitari Hoxha tha se me Jakup Krasniqin kanë qenë pothuajse tre vite bashkë në burgun e Novi Sadit, raporton “Betimi për Drejtësi”.

“Po. E njoh bile shumë moti qysh prej viteve ‘87-‘88, faktikisht në burg kemi qenë së bashku me Jakup Krasniqin. Ai ka qenë politikisht i denum, qashtu kam qenë edhe unë. Gati 3 vite kemi qenë së bashku në burgun e Novi Sadit”, tha dëshmitari Hoxha.

Dëshmitari u shpreh se është i bindur 100% se Jakup Krasniqin nuk e ka parë në uzinën e metalit në Kukës gjatë periudhës së vitit 1999.

I pyetur për Bislim Zyrapin, dëshmitari tha se ka qenë komandant dhe se kohë pas kohe ka qenë në uzinën e metalit në Kukës.

“E kam pas komandant, e kam pas. Kohë pas kohe ka qenë aty. Pa ndërprerë nuk ka qenë aty por kohë pas kohe. Ai ka qenë komandant i operacionit “Shigjeta”, ai e ka udhëheq komplet”, tha Hoxha.

Ndërsa, për një person me emrin Bedri Azemi, dëshmitari tha se me të janë njoftuar në kazermë.

“E njoh Bedri Azemin. Në kazermë jemi njoftu dhe sot e asaj dite kemi shoqëri së bashku. Rolin saktësish nuk e di, a e ka pas… edhe ia ka qenë në logjistikë, të gjithë kemi qenë në logjistikë faktikisht, por nuk e di a e ka pas depon e materialit ushqimor apo uniformave, nuk e di cilin resurs e ka pas. Bedria ka qenë vazhdimisht aty. Me Bedrinë faktikisht një shtrat e kemi nda”, tha dëshmitari Hoxha.

Kurse, për Sabit Gecin dëshmitari tha se e ka njohur pas luftës, e me të është takuar 2-3 herë.

“Sabit Gecin e kam njoftë pas lufte, gjatë luftës nuk e kam njoftë Sabit Gecin. Pas luftës ka pas rast jemi taku 2-3 herë më të, por gjatë luftës nuk kam pas rast me e taku. Pas lufte, po pas lufte e kam taku diku vitet 2000. Gjatë luftës nuk e kam taku asnjëherë, as në fabrikën e uzinës as kërkun”, tha dëshmitari Hoxha.

Ndërsa, për Xhemshit Krasniqin, dëshmitari tha se ka dëgjuar që është dënuar që ka qenë në uzinën e metalit në Kukës.

“Veç ni sekond. Si figurë po, pas lufte faktikisht kam dëgju që është dënu që ka qenë aty, por me e njoftë personalisht nuk e njoh”, tha Hoxha.

Për personin me emrin Fadil Hoxha, dëshmitari tha se ka qëndruar në uzinën e metalit në Kukës.

“Po e kam njoftë edhe e njoh, Ka qëndru faktikisht (në uzinën e metalit në Kukës). Saktësisht nuk e di, më duket ka qenë komandant i policisë ushtarake, por nuk jam i saktë”, tha dëshmitari.

Dëshmitari tha se Ruzhdi Saramatin nuk e ka takuar asnjëherë deri paslufte.

“Atëherë nuk e kam taku asnjëherë. Mbas lufte e njoh faktikisht a atëherë nuk e kam taku asnjëherë”, tha Zijadin Hoxha.

Dëshmitari u pyet edhe për disa persona të tjerë, për të cilët tha se kanë rënë dëshmorë, si Salih Saramati, Selver Maçka, Shpend Berisha, Gani Saramti dhe Abdurrahman Gerdellaj.

“(Selver Saramtin) Jo nuk e kam njoftë, as tash nuk e njoh. Faktikisht Salih Saramati ka ra dëshmor. Në dyluftim me forcat serbe është vra. Është dëshmor i kombit. (Selver Maçka )Edhe ai është vra në Gorozhup, është vra nga forcat serbe. Është varrour në varrezat e Kukësit, është varros maspari. (Shpend Berisha)- Edhe ky është dëshmor, është vra në të njëjtën ditë me Selver Maçkën, të gjithë këta janë dëshmorë të kombit. (Abdurrahman Gerdellaj) Në të njëjtën ditë është vra me Selverin dhe me këta të tjerët. (Gani Saramati) Edhe ky është dëshmor i kombit. Edhe ky është vra në Gorozhup. Është plagu faktikisht në Goruzhup dhe ka vdekë në Tiranë”, tha dëshmitari Zijadin Hoxha.

Ndërsa, për Ilir Ukmakaj, dëshmitari tha se ka dëgjuar asnjëherë për këtë person. Kurse, për një person me emrin Shefki Abdullahu, dëshmitari tha se ka qenë në uzinë.

“Po e njoh. Faktikisht edhe Shefkiu ka qenë në uzinë, por çfarë grade ka qenë nuk e di. Çfarë punë ka kry, nuk e di”, tha ai.

Ndërsa, për Ismet Thaçin tha se kanë shkuar nga Tirana për në Kukës së bashku për t’u kyçur në UÇK, mirëpo në uzinë se çfarë roli kishte ai thotë se nuk e di. Ai tha se personin me emrin Bedri Halimi nuk e ka njohur gjatë luftës dhe se për të ka dëgjuar pas lufte.

Ndryshe, me kërkesën e mbrojtjes së Pjetër Shalës, seanca gjyqësore vazhdoi për pak minuta në sesion privat.