Kryeparlamentari Glauk Konjufca, nënkryetarja Saranda Bogujvci, ministrja e Drejtësisë, Abulena Haxhiu dhe anëtarë tjerë të kabinetit qeveritar kanë bërë homazhe pranë memorialit "Heroinat".
Po ashtu, deputetë të Lëvizjes Vetëvendosje kanë vendosur lule pranë këtij memoriali në kuadër të fushatës globale 16 ditë të aktivizimit kundër dhunës mbi baza gjinore.
Homazhe po ashtu kanë bërë edhe tek shtatorja e Skënderbeut në Prishtinë.
Konjufca me këtë rast tha se është e nevojshme që shqiptarët të jenë të bashkuar sikur që ishin të pandashëm Isa Boletini dhe Ismail Qemaili.
Konjufca: Isa Boletini dhe Ismail Qemaili ishin të pandashëm
“Nga Isa Boletini erdhëm drejt e tek shtatorja e Ismail Qemailit, sepse ata ishin të pandashëm, dhe mendoj se të pandashëm duhet të jemi edhe ne sot, pra ishte mesazhi i tyre, i cili i mbijeton kohës dhe e cila porosi gjithmonë ka qenë frymëzim dhe motivim shumë i fuqishëm i gjithë brezave që kanë punuar për pavarësinë e dy shteteve tona, pastaj edhe për çlirimin e Kosovës, përmes luftës sonë të lavdishme çlirimtare. Bëmë nderimet tona edhe tek memoriali Heroinat, të mos i harrojmë gratë dhe vajzat të cilat luftuan, por edhe të cilat shumë gra e vajza të mos harrojmë të cilat ishin të dhunuara gjatë luftës, e i mbijetuan dhunimeve më të tmerrshme të pushtuesit serb për të bërë homazhe pastaj edhe tek shtatorja e heroit tonë të madh Zahir Pajaziti, i cili në krye me komandantin, Adem Jashari ishte zemra e vërtetë e UÇK-së”, tha Konjufca.
Ndërsa, përfaqësues të kësaj partie po ashtu kanë bërë homazhe edhe tek shtatorja e Ismail Qemailit në Prishtinë me rastin e 28 Nëntorit.
