Deputetja e Vetëvendosjes, Jeta Statovci ka kritikuar LDK-në pasi e dërgoi Fondin Sovran në Kushtetuese.
Sipas saj, në vitin 2020 ky subjekt politik e kishte votuar si pjesë të programit qeverisës.
“Në bazë të Global SËF, janë 175 Fonde Sovrane në mbarë botën, përfshirë këtu vende sikurse Slovenia, Greqia, Irlanda, Norvegjia etj. Por, ky fakt, s'po e ndalon dot LDK-në që dorë për dore me PDK-në, të marrë udhë tek Gjykata Kushtetuese, të cilën, po e konsiderojnë si zyrë ankesash për defetizmin e shterpësinë e ideve që i ka kapluar.” – ka shkruar ajo.
Tutje, Statovci ka pyetur se si u menaxhuen asetet publike, duke marrë shembull Telekomin.
“Ne vitin 2011, kishte 51.5 milion fitim, kurse në vitin 2016 shënoi humbje 51.1 milion euro. PËR VETEM 5 VITE, DIFERENCË PER 102.6 MILION EURO, ky është talent i vecantë shkatërrues. Kurse tani, Telekomi raporton fitim neto 5.9 milion euro (janar-nentor 2023).” – ka shkruar ajo.
Sipas saj, në vend se të dërgohen këto në prokurori, po dërgohen “reformat” në Kushtetuese.
Postimi i plotë:
Kur hipokrizia përjetohet si politikë!
LDK dërgoi Fondin Sovran në Kushtetuese, kurse në 2020, e votoi vet si pjesë të programit qeverisës.
Në bazë të Global SWF, janë 175 Fonde Sovrane në mbarë botën, përfshirë këtu vende sikurse Slovenia, Greqia, Irlanda, Norvegjia etj. Por, ky fakt, s'po e ndalon dot LDK-në që dorë për dore me PDK-në, të marrë udhë tek Gjykata Kushtetuese, të cilën, po e konsiderojnë si zyrë ankesash për defetizmin e shterpësinë e ideve që i ka kapluar.
Fondi Sovran e ruan pronësinë e aseteve strategjike të vendit per t’i kthyer në një të mirë publike, duke përmiresuar gjendjen e operimit te brendshem dhe duke u hapur ndaj kapitalit të ri. Ka shumë raste të vendeve të zhvilluara që kanë përdorur pikërisht fonde të ngjashme.
Si u keqmenaxhuan asetet publike, psh TELEKOMI?
Ne vitin 2011, kishte 51.5 milion fitim, kurse në vitin 2016 shënoi humbje 51.1 milion euro. PËR VETEM 5 VITE, DIFERENCË PER 102.6 MILION EURO, ky është talent i vecantë shkatërrues. Kurse tani, Telekomi raporton fitim neto 5.9 milion euro (janar-nentor 2023).
Këto plaçka historike financiare, në vend se të çohen në Prokurori, po çohen reformat zhvillimore në Kushtetuese.
Për më tepër, Fondi Sovran ndërlidhet me sektorin privat përmes dy shtigjeve të rëndësishme: (1) hap rrugë që kapitali privat të futet në ndërmarrjet e Fondit dhe (2) u jep mundësi kompanive private të përfitojnë nga kapitali i Fondit.
E gjitha kjo, i bie që bën keqpërdorimi, hipokrizia, pengimi i zhvillimit të vendit kur kjo lidhet me luftë politike etj. Ka humbur Kosova me këtë mendësi.
