Një grup të rinjsh, të krishterë ortodoksë, nga Kisha Ortodokse e Shqipërisë vizituan Manastirin e Deçanit, të shoqëruar nga Ati Spiro Topanxha dhe Nathan e Gabriella Hoppe. Pas vizitës në kishë, grupi u angazhua në një diskutim mbi tema shpirtërore me igumenin e Manastirit, Ati Sava.
Në një postim në rrjetin “X’, thuhet se “vëllezërit e Manastirit i pritën vëllezërit dhe motrat nga Shqipëria me një vizitë në kompleksin e Manastirit dhe i pritën për një shujtë, duke ofruar një mundësi për shoqëri dhe shkëmbim bisedash.
Vizita u karakterizua nga fryma e vëllazërisë së krishterë”.
Tutje në njoftim thuhet se “grupet e pelegrinëve të krishterë ortodoksë nga Shqipëria kanë vizituar edhe në raste të mëparshme Deçanin dhe vendet e tjera të shenjta në Kosovë dhe janë pritur gjithmonë me një frymë dashurie dhe respekti vëllazëror, duke reflektuar unitetin e besimit dhe traditën e përbashkët shpirtërore”.
A group of young Orthodox Christians from the #Orthodox #Church of #Albania visited Visoki Dečani #Monastery, accompanied by Fr. Spiro Topanxha and Nathan and Gabriella Hoppe. Following the visit to the church, the group engaged in a discussion on spiritual topics with the… pic.twitter.com/9nH5vBONDd
— Dečani Monastery (@DecaniMonastery) March 16, 2025