Edhe publicisti Milaim Nela, ka reaguar pas dështimit të konstituimit të Kuvendit të Kosovës.
Ai përmes një shkrimi në Facebook kritikoi ashpër opozitën, duke thënë se bojkotimi i një seance të tillë është e paprecedentë dhe e papranueshme.
Madje, Nela për këtë parashtroi edhe disa pyetje publike, përcjell “Bota sot”.
Shkrimi i plotë
Mund të jesh kundër Albin Kurtit e kjo është krejt e përligjur!
Por të bojkotosh seancën e verifikimit të mandateve, mandate të votuara nga votuesi i Kosovës gjë e cila nuk ka ndodhur kurrë kë parë do të thotë se ti je jo kundër Kurtit, por kundër shtetit dhe shtetësisë së Kosovës!
Kjo është e paprecedentë dhe totalisht e papranueshme!
Çfarë doni të tregoni me këtë?
A jeni kundër zgjedhësit dhe verdiktit të tij apo kundër Kosovës shtet?
Çfarë mesazhi po i jepni Kosovës dhe botës perëndimore?
Kë ndihmon ky bojkotim?
Në rastin më të mirë ky qëndrim shkon kundër Kosovës por sidomos kundër jush!
