Mesazhe nga BE: Çfarë tha Costa pas takimeve me Osmanin e Kurtin

Aktuale

Mesazhe nga BE: Çfarë tha Costa pas takimeve me Osmanin e Kurtin

Më: 14 maj 2025 Në ora: 07:38 Përditësuar në ora: 16:46 më 14.05.2025
Foto nga takimi

Pas Malit të Zi, presidenti i Këshillit Evropian arrin në Kosovë

Presidenti i Këshillit Evropian, Antonio Costa, ka arritur në Kosovë në kuadër të vizitës së tij në shtetet e Ballkanit Perëndimor.

Costa është takuar me Aivo Orav, shefin e Zyrës së Bashkimit Evropian në Kosovë.

Orav ka thënë se pati kënaqësinë të pres në takim Costan.

“Vizita e tij konfirmon angazhimin e fortë të BE-së ndaj rajonit dhe të ardhmes së tij evropiane”, ka thënë Orav.

Para Kosovës, Costa ka qenë për vizitë në Malin e Zi, sot gjatë ditës, i njëjti aty ka thënë se nëse Mali i Zi bëhet anëtari i 28-të i Bashkimit Evropian në vitin 2028 është një slogan i mirë, sipas tij, do të ishte domethënëse nëse do të ndodhte kjo edhe më herët.

Të nesërmen, më 15 maj, i pari i KE-së do të shkojë në Shkup për t’u takuar me kryeministrin Hristijan Mickoski dhe presidenten Gordana Siljanovska-Davkova.

Ndalesa e tij e fundit në Ballkanin Perëndimor do të jetë në Tiranë ku më 15 maj do të takohet me kryeministrin Edi Rama dhe presidentin Bajram Begaj, si dhe do të marrë pjesë në një takim me studentët e Kolegjit të Evropës, transmeton Klankosova.tv.

Kurse, të premten, më 16 maj, ai do të jetë bashkëorganizator i Samitit të gjashtë të Komunitetit Politik Evropian (EPC) në Tiranë.

Tema e këtij samiti është “Evropa e Re në një Botë të Re: Unitet – Bashkëpunim – Veprim i Përbashkët”.

Takimi do të përqendrohet në siguri dhe udhëheqësit do të ndajnë vizionin e tyre për të ardhmen e Evropës, të ndjekura nga tre tryeza të rrumbullakëta tematike.

Presidenti i Këshillit Evropian, Antonio Costa sot në Kosovë – takohet me Osmanin dhe Kurtin

Presidenti Këshillit Evropian, Antonio Costa do të jetë sot për vizitë në vendin tonë.

Costa gjatë vizitës në Prishtinë do të takohet me presidenten e shtetit, Vjosa Osmani dhe kryeministrin në detyrë, Albin Kurti.

Referuar agjendës, presidenti i Këshillit Evropian, António Costa me presidenten Vjosa Osmani do të takohet në ora 16:30.

Pas takimit do të mbajnë edhe konferencë për medie.

Ndërkaq, takimit ndërmjet Costas dhe kryeministrit në detyrë, Kurti do të mbahet në ora 18:40.

comment Për komente lëvizni më poshtë
Sot mund të lexoni Shfletoni kopertinat