Vazhdojnë torturat e Serbisë, MPJD del me apel për qytetarët e Kosovës

Aktuale

Vazhdojnë torturat e Serbisë, MPJD del me apel për qytetarët e Kosovës

Më: 9 qershor 2025 Në ora: 20:18
Foto ilustrim

Një vizitë e zakonshme tek familja e tij në Kosovës është kthyer në ankth për ish-policin e Kosovës, Arbnor Spahiu. 

Ai u ndalua nga autoritetet e Serbisë derisa po udhëtonte me autobus përmes këtij vendi drejt Kosovës.

Siç u bë e ditur nga autoritetet atje, Spahiu gjatë gjithë ditës u mor në pyetje nga prokurorët serb.

Avokati i tij, Arianit Koci ka një shpjegim për këtë. Ai e lidh rastin e arrestimit me dënimin e ditëve më parë të agjentit serb, Aleksandar Vllajiq, që e pranoi fajësinë dhe u dënua me burgim.

Sipas tij, tani Serbia krejt këto veprime po i bën në shenjë hakmarrje.

Ministrja në detyrë e Punëve të Jashtme të Kosovës tha se i kanë njoftuar misionet ndërkombëtare si në vend ashtu edhe në Serbi dhe kanë kërkuar edhe ndihmën e tyre.

Ajo pati një apel për qytetarët!

Sidomos në muajt e verës kur ka shumë më shumë qarkullim dhe ardhje të mërgimtarëve nga Evropa përmes rrugëve tokësore, Serbia i maltreton ata në formë të ndryshme, përfshirë ndalime e arrestime arbitrare.

Para pak ditësh gjithashtu e kishte ndaluar ish-deputetin Gramos Agusholli duke e marr në pyetje për orë të tëra por që ishte liruar në mbrëmje.

Edhe të tjerë kosovarë janë arrestuar ndër vite, shumë prej tyre edhe ish-pjesëtarë të UÇK-së, siç pretendon Serbia, për kryerje të krimeve të luftës.

comment Për komente lëvizni më poshtë
Sot mund të lexoni Shfletoni kopertinat