“Lajm me rëndësi për diasporën dhe ata që udhëtojnë në Belgjikë”

Aktuale

“Lajm me rëndësi për diasporën dhe ata që udhëtojnë në Belgjikë”

Nga: N.E Më: 21 qershor 2025 Në ora: 08:54
Foto ilustrim

Gazetari Bahri Cani jep lajm me rëndësi për diasporën dhe ata që udhëtojnë në Belgjikë.

Sipas Canit, Belgjika do të fillojë së shpejti të kontrollojë kufijtë e jashtëm, por akoma nuk dihet data e saktë se kur do të futen këto kontrolle.

“Lajm me rëndësi për diasporën dhe ata që udhëtojnë në Belgjikë: Belgjika do të fillojë së shpejti të kontroll kufijtë e jashtëm, por akoma nuk dihet data e saktë se kur do të futen këto kontrolle. Qëllimi është pamundësimi i futjes së migrantëve ilegalë.

Belgjika do shtrëngojë kontrollet në të gjitha rrugët e rëndësishme, stacionet hekurudhore dhe aeroportet. Më parë kufijtë e jashtëm kanë filluar t'i kontrollojnë edhe Gjermania, Holanda, Franca dhe Luksemburgu”, shkruan Cani.

Tutje, ai thotë se në këtë mënyrë kufizohet edhe më shumë liria e lëvizjes brenda zonës Shengen që me siguri do të ndikojë edhe në ngadalësimin e kalimit të kufijve.

“Sidoqoftë qeveria belge bëri të ditur se kontrollet do të forcohen në rrugë, në vendparkimet pranë rrugëve, si dhe në transportin tokësor, hekurudhor e ajëror, në veçanti me vendet si Itania apo Greqia ku vjen numri më i madh i të huajve.

Këto masa për fillim janë kufizuar për gjashtë muaj dhe do të fillojnë në ditët apo javët e ardhshme. Por sakt nuk është thënë kur akoma.

Sidoqoftë, në këtë mënyrë kufizohet edhe më shumë liria e lëvizjes brenda zonës Shengen, që me siguri do të ndikojë edhe në ngadalësimin e kalimit të kufijve”, vazhdon gazetari.

comment Për komente lëvizni më poshtë
Sot mund të lexoni Shfletoni kopertinat