Dështimi i 37-të për konstituimin e Kuvendit, “shpërthen” Maxharraj: Turpi s’ka brirë...!

Aktuale

Dështimi i 37-të për konstituimin e Kuvendit, “shpërthen” Maxharraj: Turpi s’ka brirë...!

Nga: A.SH Më: 25 qershor 2025 Në ora: 15:07
Kuvendi i Kosovës

Kuvendi i Kosovës ka shënuar të enjten dështimin e 37-të radhazi për t’u konstituuar, duke thelluar edhe më tej krizën institucionale në vend dhe duke nxitur reagime të ashpra në opinionin publik.

Profesori Binak Maxharraj ka thënë se ky është trupi i të paftyrëve deputetë të opozitës.

“Kosova, me afro 40 dështime për konstituimin e parlamentit, i plotëson kushtet për t’u futur në Librin e Ginisit si shtet jo-funksional”, shkruan ai.

Reagimi i plotë:

DËSHTIMI I 37-të PËR KONSTITUIMIN E PARLAMENTIT

Ky është turpi me shumë fytyra i të paftyrëve deputetë të opozitës, që s’i hanë palla për shtet, por vetëm për pushtet – për me muj’të me e vjedhë sa më shumë.

Dështimi i 37-të me radhë, pa pasur një fund, është edhe një dëshmi dhe fakt se sa të pazotë jemi për të krijuar shtet.

Kosova, me afro 40 dështime për konstituimin e parlamentit, i plotëson kushtet për t’u futur në Librin e Ginisit si shtet jo-funksional.

Turp! Turpi s’ka brirë – veç kështu bëhet shteti: sallamadi e vjedhje pas shpine.

Turp, turp… turp në brirë!

comment Për komente lëvizni më poshtë
Sot mund të lexoni Shfletoni kopertinat