​BQK dhe AKI zgjerojnë bashkëpunimin ndërinstitucional për sigurinë dhe integritetin financiar

Aktuale

​BQK dhe AKI zgjerojnë bashkëpunimin ndërinstitucional për sigurinë dhe integritetin financiar

Më: 30 qershor 2025 Në ora: 14:42
Foto nga takimi

Banka Qendrore e Republikës së Kosovës (BQK) dhe Agjencia e Kosovës për Inteligjencë (AKI) kanë nënshkruar një Memorandum Bashkëpunimi, me qëllim të zgjerimit dhe forcimit të bashkëpunimit ndërinstitucional, në përputhje me mandatin dhe kompetencat përkatëse të përcaktuara me ligj, transmeton KosovaPress.

Në një komunikatë më për media të BQK-së thuhet se memorandumi synon të forcojë koordinimin institucional dhe përcakton kornizën për shkëmbimin e informatave të nevojshme dhe relevante, në mënyrë të sigurt dhe të kontrolluar, me qëllim të përmbushjes efektive të mandateve kushtetuese dhe ligjore të të dy institucioneve.

“Ky hap përbën një dëshmi të angazhimit të përbashkët për forcimin e sigurisë, transparencës dhe qëndrueshmërisë së institucioneve të vendit, në përputhje me standardet më të avancuara të bashkëpunimit institucional”, thuhet po aty. 

comment Për komente lëvizni më poshtë
Sot mund të lexoni Shfletoni kopertinat