Osmani vazhdon takimet për zhbllokimin e Kuvendit, takohet me Kusari-Lilën
Presidentja Vjosa Osmani që dy ditë radhazi po pret në takim krerët e subjekteve politike.
Kësaj radhe ajo mirëpriti Mimoza Kusari-Lilën, kryetaren e partisë “Alternativa”.
E para e vendit gjatë ditës së sotme ka zhvilluar takime konsultuese me përfaqësuesit e komuniteteve jo shumicë në Kuvendin e Kosovës, derisa të mërkurën, ajo mbajti takime edhe me liderët e partive politike kryesore në vend.
Këto takime janë duke u zhvilluar në kuadër të përpjekjeve për tejkalimin e ngërçit politik që ka bllokuar konstituimin e Kuvendit të ri të Kosovës, si dhe për të krijuar hapësirë për dialog politik mes subjekteve parlamentare.
Presidentja u takua me kryetarin Rasim Demiri
Në kuadër të takimeve me përfaqësuesit e partive politike , përfshirë edhe komunitetet joshumicë, presidentja e Kosovës, Vjosa Osmani, u takua edhe me kryetarin e Partisë Demokratike të Boshnjakëve, Rasim Demiri.
Edhe ky takim ishte në funksion të përpjekjeve për kapërcimin e bllokadës së krijuar në Kuvendin e Kosovës.
Detaje tjera ende nuk u dhanë për takimet.
Presidentja Osmani pret Duda Baljen
Presidentja e vendit, Vjosa Osmani, ka pritur sot në takim edhe kryetaren e partisë Socijaldemokratska Unija, Duda Balje.
Takimet janë duke u zhvilluar në kuadër të përpjekjeve për tejkalimin e ngërçit politik që ka bllokuar konstituimin e Kuvendit të ri të Kosovës.
Si dhe për të krijuar hapësirë për dialog politik mes subjekteve parlamentare.
Osmani e pret edhe Rashiqin në zyre
Presidentja e vendit, Vjosa Osmani, në vazhdën e diskutimeve me liderët e partive politike, tashmë ka pritur në takim edhe kryetarin e partisë “Për Liri, Drejtësi dhe Mbijetesë”, Nenad Rashiq.
Paraprakisht, ajo takoi edhe kryetarin e Guxo, Faton Peci.
Ndryshe, Kosova është pa institucione të reja edhe katër muaj pas zgjedhjeve të 9 shkurtit.
Kjo pasi deputetët kanë dështuar ta konstituojnë Kuvendin në 40 herë sa është tentuar.