Paul Williams: Komandantët lokalë kishin ndikim të dukshëm mbi Thaçin

Aktuale

Paul Williams: Komandantët lokalë kishin ndikim të dukshëm mbi Thaçin

Më: 17 shtator 2025 Në ora: 07:12 Përditësuar në ora: 10:09 më 17.09.2025
Paul Williams

Nis seanca në Hagë

Në Hagë ka nisur dita e tretë e dëshmisë së James Rubinit, dëshmitar i mbrojtjes të Hashim Thaçit.

Kreu i trupit gjykues, gjyqtari amerikan Charles Smith III, sot do të ketë mundësinë të parashtrojë pyetje, nëse vendos ta bëjë këtë. Po ashtu, të drejtën për pyetje plotësuese e kanë edhe Zyra e Prokurorit të Specializuar dhe mbrojtja.

Kush mund të jenë dëshmitarët e tjerë të mbrojtjes?

Mbrojtja e ish-krerëve të UÇK-së i ka thënë Radios Evropa e Lirë se lista e atyre që do të dëshmojnë në anën e tyre është konfidenciale.

Në media, megjithatë, qarkulluan disa emra - në mesin e tyre: Wesley Clark, William Walker, Bernard Kouchner e të tjerë.

Të njëjtit u përmendën edhe në një listë që zbuloi mbrojtja në vitin 2022.

Mbrojtja e Thaçit pritet të thërras 11 dëshmitarë – shumica nga ta synohet të dëshmojnë në seanca të hapura. Ndërkaq, mbrojtja e Krasniqit do të thërrasë në sallë dy dëshmitarë, ndërkaq dy të tjerë veçse kanë dhënë dëshminë me shkrim.

Në korrik, ekipet mbrojtëse të Veselit dhe Selimit kanë njoftuar se nuk synojnë të paraqesin ndonjë dëshmi mbrojtëse.

Vazhdon edhe sot dëshmia në Hagë e ish-ndihmës sekretarit amerikan të shtetit, James Rubin

Ish ndihmës sekretari amerikan i shtetit, James Rubin që nga e hëna, më 14 shtator ka filluar dëshminë e tij në procesin gjyqësor në Hagë.

Ai të hënën dhe të martën, ka dëshmuar si dëshmitar mbrojtës i Hashim Thaçit, ndërsa dëshminë e tij do ta vazhdoj edhe sot.

Gjatë dy ditëve të dëshmisë së tij, James Rubin ka thënë se gjykimi që po i bëhet Thaçit është i padrejtë, derisa ka treguar edhe ngjarje dhe histori të ndryshme bashkë me Hashim Thaçin, Madeline Albright dhe emra të tjerë të rëndësishëm të asaj periudhe kohore.

Rubin e nisi dëshminë me përshtypjen fillestare të Shteteve të Bashkuara për Ushtrinë Çlirimtare të Kosovës më 1999, duke thënë ato kishin përshtypje më ndryshe.

comment Për komente lëvizni më poshtë
Sot mund të lexoni Shfletoni kopertinat