Presidentja e Kosovës, Vjosa Osmani, ka shprehur krenarinë dhe nderin e saj për ftesën që mori për të marrë pjesë në Asamblenë Parlamentare të NATO-s, që po mbahet në Slloveni.
Në një video të shpërndarë përmes Facebook-ut, Osmani theksoi rëndësinë e këtij angazhimi ndërkombëtar.
“Jam e nderuar të jem e ftuar në Asamblenë Parlamentare të NATO-s, një mundësi për të diskutuar çështje kyçe që ndërlidhen me sigurinë dhe zhvillimin e rajonit tonë,” tha Presidentja Osmani në postimin e saj.
Në videon që ajo shpërndau, shihet gjithashtu sekretari i Përgjithshëm i NATO-s, Mark Rutte, i cili është i pranishëm në këtë ngjarje të rëndësishme.
