Dehari: Dështimi për të zbardhur rastin e Astritit tregon për një drejtësi jofunksionale e të qëllimshme

Aktuale

Dehari: Dështimi për të zbardhur rastin e Astritit tregon për një drejtësi jofunksionale e të qëllimshme

Më: 5 nëntor 2025 Në ora: 10:44
Avni Dehari

Avni Dehari, babai i Astrit Deharit i cili vdiq në rrethana ende të pasqaruara në burgun e Dubravës, ka thënë se mos zbardhja e këtij rasti edhe 9 vite pas, tregon për një sistem jofunksional të drejtësisë.

Ai në një deklarim për media pas homazheve që janë bërë ka thënë se mos zbardhja e rastit më shumë po duket e qëllimshme.

“Sot është përvjetori i 9- të i rënies së Astritit në burgun e Prizrenit dhe ky rast ende nuk ka gjetur zgjidhjen. Kjo flet shumë për një sistem jofunksional të drejtësisë dhe ky jo funksionalitet më shumë duket të jetë i qëllimshëm se sa i pa qëllimshëm. Ne si familje dhe gjithë pjesëmarrësve që janë këtu, kërkoj që ky rast ta gjejë zgjidhje,sepse flet për një njollë të keqe për drejtësinë”, ka thënë Dehari.

Xhemile Dehari, nëna e Astrit Deharit, ka thënë se ka ardhur koha që  Sylë Hoxha dhe Nexhmi Krasniqi ta thotë të vërtetën.

“Astriti politikisht u mbyll, u vra në burgun e Prizrenit. Sylë Hoxha, Nexhmi Krasniqi të dalin ta thonë të vërtetën se çfarë kanë pa në Astritin”, ka thënë ajo.

comment Për komente lëvizni më poshtë
Sot mund të lexoni Shfletoni kopertinat