Osmani pret kryetarin e KQZ-së, kërkon proces zgjedhor të rregullt

Aktuale

Osmani pret kryetarin e KQZ-së, kërkon proces zgjedhor të rregullt

Më: 4 dhjetor 2025 Në ora: 19:24
Foto nga takimi

Presidentja Vjosa Osmani ka pritur në takim kryetarin e Komisionit Qendror të Zgjedhjeve, Kreshnik Radoniqin, për të diskutuar rreth procesit të zgjedhjeve të parakohshme parlamentare.

“Gjatë takimit, kryesuesi Radoniqi e njoftoi presidenten Osmani mbi ecurinë e përgatitjeve për zgjedhjet e parakohshme të 28 dhjetorit 2025 dhe përmbushjen e detyrave organizative që po zhvillohen nga KQZ-ja”, thuhet në njoftimin e Presidencës së Kosovës.

Më tej bëhet e ditur se Osmani kërkoi proces të rregullt zgjedhor.

“Presidentja Osmani theksoi rëndësinë e garantimit të një procesi zgjedhor të rregullt, transparent dhe gjithëpërfshirës, si dhe nënvizoi gatishmërinë institucionale për të mbështetur çdo hap që siguron integritetin dhe besueshmërinë e zgjedhjeve”, përfundoi ajo.

comment Për komente lëvizni më poshtë
Sot mund të lexoni Shfletoni kopertinat