​Takimi Konjufca-Prattipati, diskutohet për proceset pas themelimit të institucioneve të reja

Aktuale

​Takimi Konjufca-Prattipati, diskutohet për proceset pas themelimit të institucioneve të reja

Më: 20 shkurt 2026 Në ora: 20:48
Pamje nga takimi

Zëvendëskryeministri i Parë dhe Ministri i Punëve të Jashtme, Glauk Konjufca, priti në takim prezantues të Ngarkuarën me Punë të Ambasadës së Shteteve të Bashkuara të Amerikës në Kosovë, Annu Prattipati.

Në këtë takim u shkëmbyen pikëpamje mbi çështjet dhe aspektet e interesit të përbashkët ndërmjet Republikës së Kosovës dhe Shteteve të Bashkuara të Amerikës.

Konjufca paraqiti vizionin dhe prioritetet e politikës së jashtme të Ministrisë së Punëve të Jashtme dhe Diasporës nën drejtimin e tij në mandatin e ri.

Në njoftimin e Ministrisës së Punëve të Jashtme thuhet se gjithashtu se gjatë takimit u diskutua për proceset politike nëpër të cilat po kalon Kosova pas themelimit të institucioneve të reja, duke u shtuar se bashkëpunimi i ngushtë me SHBA-të mbetet përcaktim i pandryshueshëm i institucioneve të reja.

comment Për komente lëvizni më poshtë
Sot mund të lexoni Shfletoni kopertinat