Profesori Gurakuç Kuçi ka reaguar për çështjen e personave të zhdukur nga lufta në Kosovë, duke thënë se kërkimi i tyre nuk mund të cilësohet si politizim.
Kuçi ka kritikuar narrativat nga Beogradi që e paraqesin këtë proces si “keqpërdorim politik”, duke theksuar se zbulimi i varrezave masive dhe identifikimi i viktimave janë domosdoshmëri për zbardhjen e së vërtetës.
“Kërkimi i të zhdukurve nuk është politizim. Është zbardhje e krimit”, ka shkruar ai, duke ngritur edhe pyetjen nëse mund të ketë pajtim pa u gjetur të gjithë të zhdukurit dhe pa u pranuar përgjegjësia
Postimi i Kuçit:
𝐊ë𝐫𝐤𝐢𝐦𝐢 𝐢 𝐭ë 𝐳𝐡𝐝𝐮𝐤𝐮𝐫𝐯𝐞 𝐧𝐮𝐤 ë𝐬𝐡𝐭ë 𝐩𝐨𝐥𝐢𝐭𝐢𝐳𝐢𝐦. Ë𝐬𝐡𝐭ë 𝐳𝐛𝐚𝐫𝐝𝐡𝐣𝐞 𝐞 𝐤𝐫𝐢𝐦𝐢𝐭
Përderisa ndërkombëtarët (UNMIK, OSBE) dhe familjarët kërkojnë me ngulm hapjen e varrezave masive dhe zbardhjen e fatit të më shumë se 1,500 personave ende të zhdukur nga lufta në Kosovë, nga Beogradi vjen një narrativë tjetër.
Zyra serbe për Kosovën e quan këtë proces "keqpërdorim politik", ndërsa figura si Miodrag Linta shkojnë edhe më tej — duke e lidhur zbardhjen e të zhdukurve me rrëzimin e atij që e quajnë “miti për agresionin serb”.
Këtu del në shesh qëllimi i vërtetë:
📌 Nuk është thjesht kundërshtim ndaj institucioneve të Kosovës.
📌 Është një përpjekje e kalkuluar për të relativizuar përgjegjësinë e shtetit serb.
📌 Është tentativë për të ndryshuar mënyrën se si interpretohet lufta e viteve '90.
Zbulimi i mbetjeve mortore (si ato në Zubin Potok), ekzaminimet forenzike dhe dokumentimi i viktimave nuk janë propagandë.
Propagandë është përpjekja për t'i përdorur këto zbulime për të rishkruar të vërtetën e historisë.
❓ A mund të ketë pajtim pa u gjetur trupi i fundit dhe pa u pranuar faji?