Pas vendimit të Kushtetueses, Qorrolli tregon afatin kur duhet të zgjidhet Presidenti

Aktuale

Pas vendimit të Kushtetueses, Qorrolli tregon afatin kur duhet të zgjidhet Presidenti

Nga: A.M. Më: 23 shtator 2026 Në ora: 16:12
Vigan Qorrolli

Deputeti i Lëvizjes Vetëvendosje, Vigan Qorrolli, ka reaguar pas vendimit të Gjykatës Kushtetuese lidhur me afatin për zgjedhjen e Presidentit të Republikës së Kosovës.

Qorrolli, përmes një postimi në Facebook, ka thënë se Gjykata Kushtetuese ka konfirmuar legjitimitetin e Kuvendit dhe të Qeverisë, ndërsa ka theksuar se zgjedhja e Presidentit duhet të përfundojë brenda afatit kushtetues.

Tutje, Qorrolli u ka bërë thirrje Partisë Demokratike të Kosovës (PDK), Lidhjes Demokratike të Kosovës (LDK) dhe Aleancës për Ardhmërinë e Kosovës (AAK) që të marrin pjesë në procesin e zgjedhjes së Presidentit.

Sipas Gjykatës Kushtetuese, afati 60-ditor për zgjedhjen e Presidentit ka nisur më 8 gusht dhe përfundon më 6 tetor 2026.

Postim i plotë:

Sot Gjykata Kushtetuese e tha shumë qartë: Kuvendi është legjitim dhe Qeveria është zgjedhur në përputhje me Kushtetutën.

Brenda dy javësh, deri më 6 tetor, duhet të zgjidhet Presidenti i Republikës.

Pra, PDK, LDK e AAK: ose ulemi, votojmë dhe e përmbyllim këtë proces institucional, ose vendi shkon në zgjedhje në mesin e nëntorit.

Hajdeni ta zgjedhim Presidentin.

Nëse jo, vetëm Ju jini përgjegjës...

comment Për komente lëvizni më poshtë
Sot mund të lexoni Shfletoni kopertinat