Vergori dhe ambasadorja zvicerane diskutojnë për sigurinë në Kosovë

Aktuale

Vergori dhe ambasadorja zvicerane diskutojnë për sigurinë në Kosovë

Më: 12 nëntor 2026 Në ora: 20:08
Pamje nga takimi

Komandanti i misionit të KFOR-it të udhëhequr nga NATO, gjeneralmajor Roberto Vergori, ka pritur në takim ambasadoren e Zvicrës në Kosovë, Anne-Lise Cattin Hennin.

Takimi u zhvillua në selinë e KFOR-it, në Camp Film City në Prishtinë, ku u diskutua për situatën e sigurisë në Kosovë dhe rajon.

Sipas njoftimit të KFOR-it, gjatë takimit u rikonfirmua rëndësia e bashkëpunimit dhe dialogut të vazhdueshëm.

Gjeneralmajor Vergori shprehu mirënjohjen për angazhimin e vazhdueshëm të Zvicrës dhe kontributin e saj në misionin e KFOR-it.

Sot mund të lexoni Shfletoni kopertinat