AIBA duhet të reagojë dhe ta sanksionojë Serbinë për skandalin e mbrëmshëm. Shqipëria u fishkëllua dhe u gjuajt me gjësende nga serbët e ndërsyer nga kuzhina e Beogradit. Kjo ndodhi gjatë hapjes së Kampionatit Botëror.
Shqipëria u fishkëllua para syve të zyrtarëve më të lartë të AIBA-së. Serbia nuk lejon Kosovën të paraqitet në Kampionatin Botëror, vetëm pse gara mbahet në Beograd. AIBA, që ka në krye një rus, duhet t’i thërret mendjes e ta sanksionojë rëndë Serbisë. Sulmi ndaj Shqipërisë është i orkestruar nga Aleksandar Vuçiqi.
“Na është thënë se në rast të mospjesëmarrjes do të sanksionohemi me dhjetë vjet mospjesëmarrje në çdo aktivitet tjetër ndërkombëtar të AIBA-s”, tha kapiteni i ekipit kombëtar të Shqipërisë, Nelson Hysa.
Ai shtoi se gjatë hapjes zyrtare të Kampionatit, momenti i parakalimit të sportistëve nga Shqipëria me flamurin shtetëror, është përcjellë me fishkëllima dhe gjuajtje me gjësende të ndryshme. Ky është turpi i Beogradit. Kjo është mendësia e Beogradit dhe e Serbisë.
