Gjykata urdhëron burrin që të paguante ish-gruan me 60 mijë euro për punët e shtëpisë që po bënte

Bota

Gjykata urdhëron burrin që të paguante ish-gruan me 60 mijë euro për punët e shtëpisë që po bënte

Më: 16 prill 2021 Në ora: 19:49
Foto ilustrim

Gjykata e Lartë e Portugalisë urdhëroi burrin që t’i paguante ish-gruas së tij 60,000 euro si kompensim për pastrimin dhe gatimin që ajo kishte bërë gjatë martesës së tyre tre dekadëshe.

Puna e shtëpisë është konsideruar prej kohësh detyrë e gruas dhe ka gjithnjë e më shumë çështje gjyqësore në të cilat amviset kërkojnë kompensim nga ish-bashkëshortët dhe e marrin atë. Rasti i fundit i tillë vjen nga Portugalia.

Vendimi, i cili u miratua në 14 janar dhe u mbulua nga media portugeze, përfundoi një gjyq të gjatë në të cilin disa ish-bashkëshortë luftuan në gjykata të ndryshme në Portugali. 

Gruaja fillimisht i kërkoi ish-burrit të saj 240,000 euro për të gjithë punën që bëri falas gjatë martesës së tyre, por verdikti i saj u rrëzua me arsyetimin se nuk kishte të drejtë për kompensim financiar.

Gruaja apeloi dhe gjykata vendosi në favor të saj këtë herë, por ish-burri i saj apeloi në Gjykatën e Lartë. Aty u vendos që punët e shtëpisë, “megjithëse mbeten të padukshme, kanë një vlerë të qartë ekonomike”.

Dhe është vërtetuar se në 30 vjet martesë gruaja ishte ajo që kujdesej për shtëpinë dhe përgatiste vakte për partnerin. Gjykata arriti në përfundimin se kjo çoi në pasurimin e burrit që nuk merrej me punët e shtëpisë.

Gjykata përcaktoi vlerën financiare të punëve të shtëpisë që një grua kryente duke përdorur pagën minimale kombëtare si kriter, duke e shumëzuar atë me 12 muaj, me 30 vjet martesë. Një e treta e shumës u zbrit për shkak të shpenzimeve të saj në atë periudhë. 

Shfaq komentet
comments powered by Disqus
Sot mund të lexoni Shfletoni kopertinat