Parlamenti izraelit është mbledhur për t’u betuar për Qeverinë e re, me kryetarin e partisë ‘Yamina’, Naftali Bennett në krye, duke e rrëzuar nga pushteti kryeministrin Benjamin Netanyahu pas 12 vitesh në pushtet.
Koalicioni i ri qeverisës, i cili është vendosur të betohet pas një votimi besimi të Knesset, do të përbëhet nga tetë parti – Yamina, Yesh Atid i Yair Lapid, Shpresa e Re, Laburistët, Meretz, Lista e Bashkuar Arabe, Kahol Lavan dhe Yisrael Beiteinu.
Qeveria e re Bennett-Lapid fitoi votën e besimit të Knesset, me 60 vota pro, 59 kundër dhe një abstenim.
Pasi të ketë marrë besimin e Knesset, qeveria e re, me Naftali Bennett të Yamina si kryeministër, tani do të betohet, duke rrëzuar Benjamin Netanyahu pas 12 vjetësh në detyrë.
