Turistët e huaj në masë të madhe po anulojnë udhëtimet drejtë Rusisë për shkak të paqartësisë rreth lejeve dixhitale të COVID-19, pasi janë larguar kufizimet ndërkombëtare.
Kështu thotë shefja e Shoqatës së Operatorëve Turistikë të Rusisë (ATOR), Maya Lomidze duke shtuar se ata turistë që janë kanë marrë vaksinë jo-ruse nuk lejohen të vizitojnë destinacionet e njohura turistike, si muzetë dhe teatrot në qytete të caktuara.
“Shumica e turistëve të huaj që vijnë në Rusi janë të vaksinuar. Por në Rusi, kodet QR nuk funksionojnë për ata që kanë marrë vaksina të huaja”, tha Lomidze.
Ajo shtoi se Moska i lejon të huajt të pajisen me QR kod pas paraqitjes së një testi negativ PCR, por qytete dhe rajone të tjera nuk e kanë këtë mundësi.
“Nuk ka siguri që kodet QR nuk do t’iu kërkohen pas arritjes në hotel. Në fundjava, turistët nuk do të mund të vizitojnë muzetë dhe teatrot”, shton ajo.
Komentet e Lomidzes vijnë pas një njoftimi se autoritetet e rajonin të Leningradit, se muzetë do të lejojnë vizitorët që kanë marrë vaksina jo-ruse.
Presidenti Vladimir Putin ka autorizuar udhëheqësit rajonalë që të zgjasin periudhën “jo-pune” përtej 7 nëntorit nëse rastet me COVID-19 nuk bien.
