Biden reagon pas dënimit nga Rusia të basketbollistes amerikane

Bota

Biden reagon pas dënimit nga Rusia të basketbollistes amerikane

Më: 5 gusht 2022 Në ora: 07:53
Brittney Griner

Një gjykatë ruse e shpalli fajtore basketbollisten amerikane, Brittney Griner, nën akuzat për kontrabandë droge. Gjykata tha se ajo kishte sjellë qëllimisht në Rusi vaj kanabisi.

Kampionia e dyfishtë olimpike u dënua me nëntë vjet burgim.

Sipas ligjeve ruse, dënimi maksimal për akuzat që rëndojnë ndaj Griner është dhjetë vjet burgim.

Presidenti i Shteteve të Bashkuara, Joe Biden, lëshoi një deklaratë menjëherë pas shpalljes së dënimit, duke thënë se ky rast “është një përkujtues i radhës atë që bota tashmë e di: Rusia po e mban pa të drejtë Brittneyn”.

Ndërkaq, gjatë adresimit final para një gjykate ruse më herët gjatë 4 gushtit, kampionia e dyfishtë olimpike tha se ajo nuk kishte dashur që ta shkelte ligjin dhe se prindërit e kishin mësuar që të marrë përgjegjësi për veprimet e saj.

Griner gjendet në paraburgim në Rusi qëkur autoritetet i gjetën vaj kanabisi në valixhen e saj, teksa ajo po kalonte përmes aeroportit Sheremetyevo të Moskës në shkurt.

Kanabisi është ilegal në Rusi dhe ndalohet përdorimi i tij edhe për çështje mjekësore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat