Perëndimi po kërkon të imponojë rregullat e tij për të gjithë por Rusia nuk do t’i ndjekë ato, tha të premten presidenti rus Vladimir Putin.
“Partnerët tanë, ose mund të thuhet, ish-partnerët në disa vende po shkatërrojnë në mënyrë maniake kuadrin ligjor dhe kanalet e dialogut, duke kërkuar të imponojnë pikëpamjet e tyre dhe të ashtuquajturat rregulla për të gjithë”, tha ai në një takim me Këshillin e Ligjvënësve.
“Askush nuk i ka parë ndonjëherë këto rregulla,” tha Putin.
“Kush i ka shkruar, këto rregulla? Ata i shkruajnë nën një batanije dhe më pas bëjnë diçka me të nën batanije. Por ne nuk do të hyjmë nën mbulesë me ta. Dhe nuk do të ndjekim as rregullat e tyre.”
