​Rusia do të testojë raketën balistike RS-24, thotë Kievi

Bota

​Rusia do të testojë raketën balistike RS-24, thotë Kievi

Më: 18 maj 2025 Në ora: 20:19
Ilustrim

Rusia synon të kryejë një lansim "stërvitor-luftarak" të raketës balistike ndërkontinentale RS-24, raportojnë mediat e Ukrainës duke cituar Drejtorinë kryesore të inteligjencës ukrainase GUR.

“Me qëllimin e presionit dhe frikësimit në mënyrë demonstrative të Ukrainës, si dhe vendeve anëtare të Bashkimit Evropian dhe NATO-s, shteti agresor Rusia planifikon të kryejë një lansim ‘stërvitor-luftarak’ të raketës balistike ndërkontinentale RS-24 nga kompleksi Yars natën ndërmjet 18 e 19 majit”, thuhet në raport.

Sipas GUR, lansimi i një rakete të pajisur me koka stërvitore nga një kompleks tokësor i lëvizshëm iu urdhërua ekuipazhit të Regjimentit 433 të Divizionit të 42-të të Ushtrisë së 31-të të Forcave Raketore Strategjike të Rusisë.

Vendi i lansimit të raketës me gamë deri në dhjetë mijë kilometra, është një zonë afër Svobodny në rajonin Sverdlovsk të Rusisë.

comment Për komente lëvizni më poshtë
Sot mund të lexoni Shfletoni kopertinat