11 të vdekur nga shembja e një ndërtese trekatëshe në Senegal

Bota

11 të vdekur nga shembja e një ndërtese trekatëshe në Senegal

Më: 26 maj 2025 Në ora: 21:42
Senegal

Të paktën 11 persona kanë vdekur dhe shtatë të tjerë janë plagosur pasi një ndërtesë në ndërtim e sipër u shemb në qytetin senegalez të Toumba-s, tha sot për AFP një zëdhënës i zjarrfikësve.

Aksidenti ndodhi të dielën pasdite, kur një ndërtesë trekatëshe u shemb në rrethana të paqarta. Kreu i drejtorisë së përgjithshme të planifikimit urban, Musa Tin, ia atribuoi shembjen “mosrespektimit të rregulloreve të ndërtimit”.

Një qytet i shenjtë për një vëllazëri sufiste (bashkësi asketike e Islamit), Toumba është qyteti i dytë më i populluar në këtë vend të Afrikës Perëndimore.

Për sa i përket rritjes demografike dhe ekonomike, ashtu si Dakari, Toumba po përjeton një shpërthim të aktivitetit ndërtimor, ndonjëherë në një mënyrë të parregulluar dhe pa leje.

Shembjet e ndërtesave janë të zakonshme në Senegal dhe zakonisht i atribuohen mosrespektimit të rregullova të ndërtimit. Në një incident të ngjashëm që ndodhi në fillim të muajit të kaluar në Dakar, dy persona humbën jetën.

comment Për komente lëvizni më poshtë
Sot mund të lexoni Shfletoni kopertinat