Danezi Jonas Vingegaard është kampion i ri i “Tour de France”.
Çiklisti 25-vjeçar ka treguar formën më të mirë në shumicën e etapave të garës më prestigjioze.
Edicioni i 109-të i “Tour de France” përfundoi sot me arritjen e çiklistëve në Paris. Fitorja prestigjioze u festua në etapën e fundit nga Jasper Philipsen, i cili ishte më i forti në sprint në Champs-Elysées.
Foto Reuters
Jasper Philipsen fitoi titullin e sprinterit më të suksesshëm të “Tour de France 2022”.
Jasper Philipsen
Vendin e dytë e zuri Dylan Groenewegen dhe i treti doli Alexander Kristoff (Intermarche Wanty Gobert Materiaux).
Jonas Vingegaard (Jumbo-Visma) është “Mbret” i “Tour de France”, i cili fitoi fanellën e parë të verdhë pas një paraqitjeje të qëndrueshme dhe dominuese përgjatë tre javëve.
Jasper Philipsen në mes
Tre javë garash të ashpra dhe të paparashikueshme u mbyllën nga etapa finale prej 115,6 km nga Paris La Defense pra në xhiron e famshme dhe përfundimi në Champs-Elysées, e cila është pjesa e festës.
"Nuk mund ta besoj. Është një ëndërr e fëmijërisë që bëhet realitet”, tha Philipsen pas përfundimit të etapës së 21-të.
“Jam super krenar për ekipin që përfunduam kësisoj turneun, është qershia mbi tortë.
Jasper Philipsen, foto Reuters
Më shkoi mjaft mirë. Unë isha në një pozicion të shkëlqyeshëm dhe Groenewegen u detyrua të nisej herët, dhe unë mund të qëndroja dhe mund të bëja sprintin tim kur të doja”, tha më tej.
“Jam i lumtur dhe krenar që fitova në Champs-Elysées, është një ëndërr për çdo sprinter”, thotë Philipsen.
Jumbo-Visma hakmerret për vitin 2020 dhe Vingegaard fiton turneun e parë për Danimarkën që nga viti 1996.
Tadej Pogaçar, kampioni i dyfishtë, nuk e mbrojti titullin, duke përfunduar i dyti në renditjen e përgjithshme.
Etapa e 21-të
1. Jasper Philipsen (Alpecin-Deceuninck) 02:58:32
2. Dylan Groenewegen (Team BikeExchange-Jayco) + 00
3. Alexander Kristoff (Intermarché-Wanty-Gobert) + 00
4. Jasper Stuyven (Trek-Segafredo) + 00
5. Peter Sagan (TotalEnergies) + 00
6. Jérémy Lecroq (B&B Hotels-KTM) + 00
7. Danny van Poppel (BORA-hansgrohe) + 00
8. Caleb (Ewan Lotto Soudal) + 00
9. Hugo Hofstetter (Team Arkéa-Samsic) + 00
10. Fred Wright (Bahrain Victorious) + 00
Renditja e përgjithshme
1. Jonas Vingegaard (Jumbo – Visma) 79h 33' 20''
2. Tadej Pogaçar (UAE Team Emirates) + 00h 02' 43''
3. Geraint Thomas (Ineos Grenadiers) + 00h 07' 22''
4. David Gaudu (Groupama – FDJ) + 00h 13' 39''
5. Aleksandr Vlasov (Bora – Hansgrohe) + 00h 15' 46''
6. Nairo Quintana (Team Arkea – Samsic) + 00h 16' 33''
7. Romain Bardet (Team DSM) + 00h 18' 11''
8. Louis Meintjes (Intermarche - Wanty - Gobert Materiaux) + 00h 18' 44''
9. Alexey Lutsenko (Astana - Qazaqstan Team) + 00h 22' 56''
10. Adam Yates (Ineos Grenadiers) + 00h 24' 52
