Vuelta e Spanjës 2026 ka ndalur garën të hënën për ditën e parë të pushimit pas nëntë etapave të vështira.
Me tërheqjen nga gara të Tadej Pogaçarit, spanjolli Enrik Mas e shfrytëzon këtë pauzë si lider i garës, pasi triumfoi në etapën e fundit në Aitana dhe mori fanellën e kuqe.
Dita e pushimit është e rëndësishme për rikuperimin fizik të çiklistëve përpara një jave që pritet të jetë vendimtare.
Sportistët zhvilluan stërvitje të lehta, bënë masazhe, duke u përgatitur kështu për betejat e ardhshme.
Dita e dytë dhe e fundit e pushimit do të jetë më 7 shtator.
Gara rikthehet sot me etapën e dhjetë, e cila do të zhvillohet në provincën e Albacetes.
Traseja është e vështirë dhe përfshin tri ngjitje të kategorisë së tretë. Terreni i thyer mund të favorizojë sulmet nga distanca dhe një shkëputje drejt fitores. Starti do të jepet në orën 12:45, ndërsa mbërritja pritet rreth orës 17:30.