Teuta krijon ekipin e femrave në çiklizëm

Çiklizëm

Teuta krijon ekipin e femrave në çiklizëm

Më: 15 shtator 2022 Në ora: 14:14
Teuta krijon ekipin e femrave në çiklizëm

Për herë të parë në histori në Durrës, është krijuar ekipi i femrave në Çiklizëm. Në kampionatin kombëtar të Rrugës, Teuta u përfaqësua me tre çikliste: Lori Deliallisi, Marsela Luzi dhe Ornela Dule.

Me mbështetjen e Shefit të Klubit, Kreshnik Leka, dhe kontributin e trajnerit Dashamir Rama, u bë e mundur që KS Teuta të ketë një ekip femrash.

Edhe pse Teuta mori pjesë për herë të parë në një kampionat arriti të ngjitet në zonën e medaljeve.

Çiklistja Marsela Luzi doli në vendin e dytë, Lori Deliallisi në shkallën e tretë të podiumit, ndërsa Ornela Dule pati një performancë të pozitive, por nuk e prek dot zonën e medaljeve.

“Teuta bëri një performancë të jashtëzakonshme, pasi kjo ishte hera e parë që ne marrim pjesë me një ekip femrash në një kompeticion. Në Durrës ka shumë vajza të reja që e pëlqejnë këtë sport.

Federata Shqiptare e Çiklizmit, do të jap biçikleta karboni flas për ekipin e femrave për t’i afruar më tepër vajzat e reja te çiklizmi. Fillimi është premtues, por do të synojmë të rrisim numrin e sportisteve”, tha trajneri Dashamir Rama për KS Teuta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat