Çiklisti italian Filippo Ganna vendosi rekord të ri botëror të orës në pistë. Përgjatë një ore, në pistën e velodrome në Grenchen (Zvicër), ai përshkoi 56km e 792 metra.
Rekordi i mëparshëm ishte 55.548km dhe ishte vendosur po në këtë pistë nga britaniku Dan Bigham, gati dy muaj më parë. Por tashmë kemi një rekord të ri të orës.
Paraqitja e Ganna ishte e jashtëzakonshme, duke patur një shpejtësi konstante përgjatë gjithë kohës. Shpejtësia e tij në pistë arriti deri në 55km/orë.
Italiani përshkoi në total 163 xhiro, ndërkohë që kishte në dispozicion një biçikletë që kushtonte 75 mijë euro, e ndërtuar posaçërisht për një garë të tillë.
