\Kombëtarja e Kosovës në çiklizëm ka vazhduar paraqitjet mbresëlënëse edhe në etapën e dytë të garës ndërkombëtare “Agim Tafili 2026”, e zhvilluar në Shkodër, duke dëshmuar nivel të lartë dhe konkurrueshmëri në të gjitha kategoritë.
Rezultatet e arritura konfirmojnë formën e mirë të ekipit përfaqësues.
Në kategorinë Junior, Festim Kurti shkëlqeu me një paraqitje dominuese, duke zënë vendin e parë.
Ndërkohë, Enilda Zeqiri realizoi një sukses historik për çiklizmin kosovar, duke triumfuar në kategorinë e femrave dhe u bërë sportistja e parë nga Kosova që fiton një garë në Shqipëri.
Një nga momentet më sfiduese të etapës ishte rrëzimi i Dion Bytyqit, i cili u përfshi në një incident së bashku me disa garues të tjerë, duke pësuar lëndime.
Megjithatë, ai tregoi karakter dhe vendosmëri të jashtëzakonshme, duke e përfunduar garën në vendin e tretë
. Këto rezultate përbëjnë një sinjal pozitiv për vazhdimësinë e sezonit, teksa Kombëtarja e Kosovës synon paraqitje të suksesshme edhe në garat e ardhshme evropiane.