Fuqizimi i bizneseve prioritet i OAK-së dhe ATK-së

Ekonomi

Fuqizimi i bizneseve prioritet i OAK-së dhe ATK-së

Më: 14 tetor 2021 Në ora: 14:41
Pamje nga takimi

Oda e Afarizmit të Kosovës priti në takim drejtorin e Përgjithshëm të Administratës Tatimore të Kosovës, Ilir Murtezaj dhe zëvendës drejtorin e Përgjithshëm për Operacione në ATK, Nijazi Asllani.

Qëllimi i këtij takimi ishte diskutimi rreth krijimit të lehtësirave të të bërit biznes, rëndësisë së luftimit dhe zvogëlimit të informalitetit, edukimit të tatim/paguesve, e ngritjes së vetëdijesimit për obligimet tatimore.

Gjatë këtij takimi u diskutua rritja e bashkëpunimit reciprok, organizimet e përbashkëta për informim të saktë të bizneseve lidhur me obligimet dhe legjislacionin në fuqi, mundësia e ofrimit të përkrahjes për bizneset që kanë target eksportin e motivimet për deklarime.

OAK po ashtu ngriti si çështje edhe disa nga kërkesat e pranuara nga ana e bizneseve e që kanë të bëjnë me inicimin e Ligjit për Kallo, shtimin e shërbimeve në kuadër të platformës EDI, me qëllim të eliminimit të procedurave burokratike për pajisje me dokumentacion e digjitalizimin e shërbimeve.

Murtezaj tha se ATK-ja është e gatshme të ofrojë përkrahjen në çdo proces që kontribuon në legalizimin e biznesit dhe ekonomisë, si dhe të ofrojë mbështetje profesionale në çështje me interes reciprok.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat