Lajm i mirë nga KEK-u për riparimin e Bllokut B2

Ekonomi

Lajm i mirë nga KEK-u për riparimin e Bllokut B2

Më: 21 janar 2022 Në ora: 15:41
Foto ilustrim

Zëdhënësi i KEK-ut, Skënder Bucolli, ka konfirmuar se punimet në njësinë B2 të TC Kosova B kanë përfunduar dhe aktualisht janë në fazën e testimit dhe startimit të kësaj njësie prodhuese. Turbina e rotorit në njësinë B2 ka qenë jashtë funksionit që nga 14 dhjetori.

Për ta kthyer në funksion këtë njësi, KEK-u ka angazhuar edhe një ekspert gjerman.

Zëdhënësi i Korporatës Energjetike të Kosovës, Skender Bucolli, ka konfirmuar se punimet në të kanë përfunduar.

“Koorporata Energjetike e Kosovës ju njofton se punimet ne njësinë prodhuese B-2 kanë përfunduar sipas dinamikës së paraparë. Aktualishtë jemi në fazën e testimeve dhe startimit të kësaj njësie prodhuese”, ka thënë ai të premten.

Si pasojë e mosprodhimit të rrymës nga njësia B2, Kosova ka importuar 50 milionë euro më shumë energji elektrike. Kthimin në funksionin rreth datës 20 janar të njësisë B2 të TC Kosova B e kishte paralajmuar edhe kryeministri Albin Kurti gjatë vizitës në KEK.

Ai poashtu kishte njoftuar se do ta angazhojnë edhe një ekspert gjerman për riparimin e njësisë B2.

Ndërkaq për angazhimin e ekspertit gjerman në KEK janë ndarë 250 mijë euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat