BSPK: Do të mbajmë protestë më 8 prill

Ekonomi

BSPK: Do të mbajmë protestë më 8 prill

Më: 4 prill 2022 Në ora: 19:47
Foto ilustrim

Përfaqësuesit më të lartë të federatave sindikale në kuadër të Bashkimit të Sindikatave të Pavarura të Kosovës kanë vendosur që më 8 prill të vitit 2022 të mbajnë protesta.

Kjo u caktua në takimin që patën sot këto federata.

“Në takim u caktua këshilli organizativ, i cili do të përkujdeset për zhvillimin e qetë të protestës, e cila do të nisë me marshin prej Bibliotekës Kombëtare deri te sheshi ‘Skënderbe’, ku para ndërtesës së qeverisë, partnerit social do t’i parashtrohen publikisht kërkesat e arsyeshme të Bashkimit të Sindikatave të Pavarura të Kosovës:

1. 100€ nga buxheti i shtetit për të gjithë të punësuarit në sektorin publik, përfshirë edhe punëtorët e ndërmarrjeve publike – deri në përmbushjen e kërkesave të mëposhtme;
2. Përcaktimi i pagës minimale;
3. Miratimi i Ligjit për Zyrtarët Publikë;
4. Miratimi i Ligjit për Paga;
5. Nisja e zbatimit të Ligjit për Sigurimet Shëndetësore;
6. Nënshkrimi i marrëveshjes kolektive gjithëpërfshirëse;
7. Amendamentimi-ndryshimi i Ligjit për Skemat Pensionale të Financuara nga Shteti;
8. Hartimi dhe nënshkrimi i marrëveshjes kolektive gjithëpërfshirëse”,
thuhet në njoftimin e lëshuar nga BSPK-ja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat