Shqyrtohen emrat e kandidatëve për anëtar të bordit të BQK-së

Ekonomi

Shqyrtohen emrat e kandidatëve për anëtar të bordit të BQK-së

Më: 3 qershor 2022 Në ora: 07:31
Foto ilustrim

Komisioni për Buxhet, Punë dhe Transfere të premten mban mbledhje.

Në këtë mbledhje do të bëhet shqyrtimi i Listës së kandidatëve për plotësimin e një pozite për anëtarë jo-ekzekutiv të Bordit të Bankës Qendrore të Republikës së Kosovës.

Ndryshe pesë kandidatë janë propozuar Kuvendit të Kosovës për votim për anëtar jo-ekzekutiv në Bordin e Bankës Qendrore të Republikës së Kosovës.

Kandidatët janë si në vijim: Arta Hoxha; Esida Bujupi; Lulzim Ismajli; Nexhat Kryeziu dhe Nora Rraci.

Ndryshe këta pesë kandidatë do të dërgohen për votim në Kuvendin e Kosovës dhe vetëm një do të zgjedhjet ai që do të marr më shumë vota nga deputetët e Kuvendit të Kosovës.

Në këtë mbledhje janë edhe këto pika të rendit të ditës: Shqyrtimi i Raportit me amendamente i Komisionit Funksional për Ekonomi, Industri, Ndërmarrësi dhe Tregti për Projektligjin për Markat Tregtare; Shqyrtimi i Raportit Vjetor Financiar i Zyrës Kombëtare të Auditimit për vitin 2021 dhe shqyrtimi i Raportit Vjetor Financiar i Institucionit të Avokatit të Popullit për vitin 2021.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat