​OAK pret delegacionin gjerman, diskutojnë mundësitë e bashkëpunimin

Ekonomi

​OAK pret delegacionin gjerman, diskutojnë mundësitë e bashkëpunimin

Më: 9 qershor 2022 Në ora: 10:13
Foto ilustrim

Kryetari i Odës së Afarizmit të Kosovës, Skënder Krasniqi së bashku me anëtarët e bordit dhe bashkëpunëtorë, kanë pritur në takim Stefan Wings, përfaqësues i bizneseve të mesme në Gjermani, konkretisht përfaqësues nga BBW Unternehmens Beratung, i cili ndodhet me vizitë në Kosovë.

Sipas OAK, qëllimi i këtij takimi ishte njohja reciproke, diskutimi rreth mundësive të bashkëpunimit, e ndërlidhja e bizneseve të Kosovës me ato Gjermane, me qëllim të prodhimit të produkteve për tregun gjerman.

“Gjatë këtij takimi u diskutua rëndësia e promovimit të bashkëpunimit mes të dyja palëve, duke shikuar potencialet e prodhimit të bizneseve në Kosovë, e duke ngritur kapacitetet aktuale të kompanive përmes bashkëinvestimeve me kompanitë gjermane.

OAK konsideron që iniciativa të tilla janë mundësi të arta për Kosovën duke marrë parasysh që bashkëpunimi me tregun gjerman mund të ofrojë alternativa shumë të mira për zhvillimin e bizneseve dhe ngritjen e kapaciteteve prodhuese të tyre”, thuhet në njoftim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat