Paralajmërohet ngritja e çmimit të bukës – ankohen qytetarët

Ekonomi

Paralajmërohet ngritja e çmimit të bukës – ankohen qytetarët

Më: 29 qershor 2022 Në ora: 10:50
Çmimi i bukës shumë shpejtë pritet të bëhet 60 cent

Pas rritjes së çmimit për karburante dhe të energjisë elektrike, pronarët e furrave në Prishtinë kanë paralajmëruar shtrenjtim të çmimit të bukës.

Ndonëse nuk deshën të flasin para kamerës, njëri nga pronarët e një furre në Prishtinë, e konfirmoi se çmimi i bukës shumë shpejtë pritet të bëhet 60 cent, nga 50 cent sa është për momentin.

Një paralajmërim i tillë ka shqetësuar edhe qytetarët të cilët e shohin të papranueshëm rritjen e çmimit të bukës. Ata kanë kërkuar nga Qeveria që të reagojë e mos t’i lejojë rritje të çmimit të bukës.  

Xhevdet Visoka tha se shkaku i rrogave të vogla, rritja e çmimit është e papërballueshme për të.

“Mu ma merr mendja që është pak tepër nëse rritet buka. Për shkak të rrogave, për shkak të këtyre seneve tjera është e papërballueshme nëse bëhet kjo ngritje e çmimeve të bukës. Duhet me reagu qeveria edhe me parandalu këtë rritje”, tha ai.

E mllefosur me paralajmërimet për rritje të çmimit është shprehur Mirvete Berisha. Tha se buka është jetike për qytetarët dhe si e tillë nuk duhet të ngritet çmimi.

“Komenti im është që të mos ngritët se njerëzit janë lodhur, ushqimet, vaji të gjitha po shtrenjtohen nuk e di populli çka ka me bë. Normal, buka është në pyetje, nëse se kanë edhe bukën atëherë”, ka thënë ajo.

Zylfije Krasniqi, tha se rritja e çmimit mund të jetë i papërballueshëm për dikend, e për dikë po, teksa ka kërkuar të reagojë Qeveria.

“Shumë është, shumë është se nuk i ka 300 gram. Ajo thotë se dikush mund t’i përballoj këtë rritje e dikush jo. Përbesë dikush po e dikush hiç. Qeveria nuk duhet t’i lejojë këto gjëra, se dikush vuan”, tha ai.

Aktualisht në shumicën e furrave në Kosovë, çmimi i bukës është 40 cent, por ka edhe nga ato furra që tashmë çmimin e një 1 kg bukë e kanë rritur në 50 cent. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat